ەلوردا پوليتسيياسى قالا مەكتەپتەرٸ بٸرٸنٸڭ 5 سىنىپ وقۋشىلارىنا ساباق ٷستٸندە پورنو سلايد كٶرسەتكەن ادامدى ٸزدەپ جاتىر. بۇل تۋرالى نۇر-سۇلتان قالالىق پوليتسييا دەپارتامەنتٸنٸڭ باسپاسٶز قىزمەتٸنەن مەلٸم ەتتٸ, دەپ حابارلايدى "ۇلت اقپارات".
«2020 جىلدىڭ 3 قىركٷيەگٸندە, ساعات 16-30-دا «ZOOM» پلاتفورماسىندا ماتەماتيكا ساباعىن ٶتٸپ جاتقان ەلوردا مەكتەپتەرٸنٸڭ بٸرٸنٸڭ 5 سىنىپ وقۋشىلارىنا بٶگدە ادام قوسىلىپ, بالالاردىڭ كومپيۋتەر ەكرانىندا ۇياتسىز سلايدتار كٶرسەتٸپ, بوقتىق سٶز ايتقان. وسىلايشا ول ماتەماتيكا ساباعىنىڭ ٶتۋٸنە بٶگەت جاساعان. ونلاين-ساباق رەجيمٸنە 14 وقۋشى قاتىسقان», - دەپ اتاپ ٶتەدٸ دەپارتامەنتتەن.
قازٸرگٸ ۋاقىتتا نۇر-سۇلتان قالالىق پوليتسييا دەپارتامەنتٸ اتالعان فاكتٸ بويىنشا قر قىلمىستىق كودەكسٸنٸڭ 311-بابى بويىنشا قىلمىستىق ٸس قوزعادى.
«كٸنەلٸ تۇلعا جاۋاپكەرشٸلٸككە تارتىلادى. قازٸرگٸ ۋاقىتتا تەكسەرۋ جٷرٸپ جاتىر», - دەدٸ ۆەدومستۆودان.
ايتا كەتەيٸك, قىلمىستىق كودەكستٸڭ 311-بابى پورنوگرافييالىق ماتەريالداردى نەمەسە زاتتاردى زاڭسىز تاراتۋعا قاتىستى قولدانىلادى.
اتالعان باپتا پورنوگرافييالىق ماتەريالداردى نەمەسە زاتتاردى تاراتۋ نەمەسە جارنامالاۋ ماقساتىندا ولاردى زاڭسىز دايىنداۋ, تاراتۋ, جارنامالاۋ, سول سيياقتى پورنوگرافييالىق سيپاتتاعى باسپا باسىلىمدارىن, كينو- نەمەسە بەينەماتەريالداردى, بەينەلەردٸ نەمەسە ٶزگە دە زاتتاردى زاڭسىز الىپ ٶتۋ نەمەسە ولارمەن ساۋدا جاساعانى ٷشٸن مٷلكi تەركiلەنiپ نەمەسە ونسىز, ەكٸ مىڭ ايلىق ەسەپتiك كٶرسەتكiشكە دەيiنگi مٶلشەردە ايىپپۇل سالۋعا نە سول مٶلشەردە تٷزەۋ جۇمىستارىنا نە التى جٷز ساعاتقا دەيٸنگٸ مەرزٸمگە قوعامدىق جۇمىستارعا تارتۋعا نە ەكٸ جىلعا دەيiنگi مەرزiمگە باس بوستاندىعىن شەكتەۋگە نە سول مەرزiمگە باس بوستاندىعىنان ايىرۋعا جازالاناتىندىعى كٶرسەتٸلگەن.
