فوتو: ©️ Tengrinews.kz / ەليحان ساريەۆ
قازاقستاندا جەكەمەنشٸك ەلەكتروساموكاتتاردى باقىلاۋ تەحنيكالىق تۇرعىدان مٷمكٸن ەمەس. بۇل تۋرالى ٸشكٸ ٸستەر مينيسترلٸگٸ ەكٸمشٸلٸك پوليتسييا كوميتەتٸنٸڭ تٶراعاسى قايسار سۇلتانباەۆ مەلٸمدەدٸ, دەپ حابارلايدى Sputnik قازاقستان.
سەنات كۋلۋارىندا جۋرناليستەر ٸٸم ٶكٸلٸنەن ازاماتتار ٶز اقشاسىنا ساتىپ العان ەلەكتروساموكاتتاردىڭ جىلدامدىعى قالاي باقىلاناتىنىن سۇرادى.
"جالعا بەرٸلەتٸن ساموكاتتار كيكشەرينگ ارقىلى باقىلانادى, ادامدار ٶزدەرٸ ساتىپ العان ساموكاتتاردى قالاي باقىلايدى دەپ وتىرسىز عوي. راسىندا دا ونى باقىلاۋ تەحنيكالىق تۇرعىدان, پوليتسييا تاراپىنان مٷمكٸن ەمەس دەپ ايتۋعا بولادى. ونداي مٷمكٸندٸك جوق. ال ەگەر جول اپاتى بولعان جاعدايدا, ادام قاعىپ كەتسە نەمەسە دەنە جاراقاتىن السا, بٸز ارنايى ساراپتاما جاسايمىز. سونىڭ نەتيجەسٸندە ساموكاتتىڭ جىلدامدىعى قانشا بولعانىن انىقتايمىز. سول ساراپتاما نەگٸزٸندە ساموكات جٷرگٸزۋشٸسٸن جاۋاپقا تارتۋعا بولادى", - دەپ جاۋاپ بەردٸ سۇلتانباەۆ.
ونىڭ ايتۋىنشا, جول ەرەجەلەرٸن بۇزعان ەلەكتروساموكات جٷرگٸزۋشٸلەرٸ ەكٸمشٸلٸك قۇقىقبۇزۋشىلىقتار تۋرالى كودەكستٸڭ ەكٸ بابى بويىنشا جاۋاپقا تارتىلادى.
بٸرٸنشٸسٸ – 593-باپ, جولاۋشىلار مەن جٷكتەردٸ تاسىمالداۋ ەرەجەلەرٸن بۇزۋ.
"ەكٸنشٸسٸ – 620-باپ. باسقا دا تالاپتاردى بۇزعانى ٷشٸن وسى باپپەن جاۋاپقا تارتىلادى", - دەيدٸ كوميتەت تٶراعاسى.
سەنات ماقۇلداعان زاڭعا سەيكەس, ەلەكتروساموكات جٷرگٸزۋشٸسٸ 18 جاسقا تولعان بولۋى شارت. بۇعان قوسا باسىندا شلەم, ال قاراڭعى ۋاقىتتا ٷستٸندە جارىق شاعىلىستىراتىن زات بولۋى كەرەك.
جولدىڭ جٷرۋ بٶلٸگٸندە جىلدامدىقتى ساعاتىنا 25 شاقىرىمنان, ال تروتۋاردا 6 شاقىرىمنان اسىرۋعا بولمايدى.
زاڭ پرەزيدەنتتٸڭ قاراۋىنا جولداندى.
