پوليتسييا نۇر-سۇلتان قالاسىنىڭ ەكٸمدٸگٸندە تٶبەلەس شىعارعان ەيەلدەردٸڭ ٸسٸن تٸركەۋگە الدى, دەپ حابارلايدى قازاقپارات.
«پوليتسيياعا 25 شٸلدە كٷنٸ ساعات 11.12 كەزٸندە بەيبٸتشٸلٸك كٶشەسٸندە ورنالاسقان ەكٸمدٸك عيماراتىنا بەيتانىس ەيەلدەر كەلٸپ, قوعامدىق تەرتٸپتٸ بۇزعانى, كٸرەبەرٸستٸ جاۋىپ, ەر ادامدى ساباعانى تۋرالى حابارلاما كەلٸپ تٷستٸ», - دەپ جازىلعان دەپارتامەنت دەرەگٸندە.
وقيعادان كەيٸن ەكٸ جاق بٸر-بٸرٸنٸڭ ٷستٸنەن پوليتسيياعا ارىزدانعانى بەلگٸلٸ بولدى.
«كيكٸلجٸڭگە قاتىسۋشىلاردىڭ ەكٸ تارابىنان بٸر-بٸرٸنە شارا قولدانۋ كەرەكتٸگٸ تۋرالى ارىز تٷستٸ. بۇل فاكتٸ «سارىارقا» اۋداندىق پوليتسييا باسقارماسىندا تٸركەلدٸ. سوت-مەديتسينالىق ساراپتاما تاعايىندالدى. سونىڭ قورىتىندىسى بويىنشا قولدانىستاعى زاڭناما اياسىندا شارالار قابىلدانادى», - دەپ جازىلعان دەپارتامەنتتٸڭ باسپاسٶز قىزمەتٸ ۇسىنعان مەلٸمەتتە.
ەسكە سالساق, Telegram-كانالداردا ەلوردا ەكٸمدٸگٸنٸڭ عيماراتىندا «ەر ادامنىڭ كٶپبالالى انالاردان تاياق جەگەنٸ» تۋرالى ۆيدەو تاراعان بولاتىن.
