Politsiia Nur-Sultan qalasynyń ákimdiginde tóbeles shyǵarǵan áielderdiń isin tirkeýge aldy, dep habarlaidy QazAqparat.
«Politsiiaǵa 25 shilde kúni saǵat 11.12 kezinde Beibitshilik kóshesinde ornalasqan ákimdik ǵimaratyna beitanys áielder kelip, qoǵamdyq tártipti buzǵany, kireberisti jaýyp, er adamdy sabaǵany týraly habarlama kelip tústi», - dep jazylǵan departament dereginde.
Oqiǵadan keiin eki jaq bir-biriniń ústinen politsiiaǵa aryzdanǵany belgili boldy.
«Kikiljińge qatysýshylardyń eki tarabynan bir-birine shara qoldaný kerektigi týraly aryz tústi. Bul fakti «Saryarqa» aýdandyq politsiia basqarmasynda tirkeldi. Sot-meditsinalyq saraptama taǵaiyndaldy. Sonyń qorytyndysy boiynsha qoldanystaǵy zańnama aiasynda sharalar qabyldanady», - dep jazylǵan departamenttiń baspasóz qyzmeti usynǵan málimette.
Eske salsaq, Telegram-kanaldarda elorda ákimdiginiń ǵimaratynda «er adamnyń kópbalaly analardan taiaq jegeni» týraly video taraǵan bolatyn.
