فوتو: Polisia.kz
استانا پوليتسەيلەرٸ قايعىلى وقيعانىڭ الدىندا الدى. تەرتٸپ ساقشىلارى بالالارىمەن بٸرگە تەرەزەدەن سەكٸرمەك بولعان ەيەلدٸ قۇتقارىپ قالدى, دەپ حابارلايدى "ۇلت اقپارات" Polisia.kz پورتالىنا سٸلتەمە جاساپ.
"شاھار تۇرعىنى ەكٸ بالاسىن ۇستاپ 9-شى قاباتتاعى پەتەردٸڭ تەرەزەسٸنەن سەكٸرەيٸن دەپ جاتقانىن ەستٸگەن اۆتوپاترۋل وقيعا ورنىنا اتتاندى.
العاشقى بولىپ №26 ۋچاسكەلٸك پوليتسييا پۋنكتٸ پوليتسييا بٶلٸمشەسٸنٸڭ اعا ينسپەكتورى اسقار پاپىشەۆ ٶزٸنٸڭ سەرٸكتەسٸ ەلدوس نۇعمانوۆپەن بٸرگە جەتتٸ. ولار اۋدان تۇرعىندارىمەن جيىن ٶتكٸزٸپ جاتقان" - دەلٸنگەن حابارلامادا.
9-شى قاباتقا كٶتەرٸلگەن پوليتسەيلەر ٷلكەن بالانىڭ ەكەسٸمەن بٸرگە تۇرعانىن كٶرەدٸ. ال كٸشٸ بالاسىن ەيەل ٶزٸ ۇستاپ, وعان بٸرەۋ جاقىنداسا, سەكٸرەتٸنٸن ايتىپ ايقايلاعان. تەرتٸپ ساقشىلارىنىڭ بٸرٸ ەيەلدٸ سٶزگە تارتىپ, مۇنداي قادامعا بارماۋىن ٶتٸنٸپ جاتقاندا, ەكٸنشٸ پوليتسەي فورماسىن ازاماتتىق كيٸمگە اۋىستىرىپ, سوسىن پەتەرگە كٸرٸپ, بايقاماي جاقىنداپ, بٸر قولىمەن بالانىڭ قولىنان, ەكٸنشٸ قولىمەن اناسىن مىقتاپ ۇستاپ الىپ, بٶلمەگە قاراي تارتىپ كٸرگٸزگەن.
24 جاستاعى ەيەلدٸڭ مۇنداي ەرەكەتكە وتباسىلىق جانجالدان كەيٸن بەل بۋعانى بەلگٸلٸ بولدى.
"ونىڭ كٷيەۋٸنە قاتىستى ەكٸمشٸلٸك قۇقىق بۇزۋشىلىق تۋرالى كودەكستٸڭ 73-بابىنىڭ 1-بٶلٸگٸ “وتباسىلىق-تۇرمىستىق قاتىناستار سالاسىنداعى قۇقىققا قايشى ەرەكەتتەر” بويىنشا ەكٸمشٸلٸك حاتتاما تولتىرىلدى.
وتباسى ەرەكشە باقىلاۋعا الىندى. ەيەل بالالارىمەن بٸرگە استانا قالاسىنىڭ داعدارىس ورتالىعىنا ورنالاستىرىلدى. ونىمەن پروفيلاكتيكالىق ەڭگٸمە جٷرگٸزٸلٸپ, پسيحولوگييالىق كٶمەك كٶرسەتٸلدٸ" - دەيدٸ ٸٸم باسپاسٶز قىزمەتٸ ٶكٸلدەرٸ.
