ۇلتتىق بانكتٸڭ باسقارما تٶراعاسى عالىمجان پٸرماتوۆ ەل اۋماعىنداعى رەسەي رۋبلٸنٸڭ اينالىمى تۋرالى مەلٸمەت بەردٸ, دەپ حابارلايدى قازاقپارات.
باق ٶكٸلدەرٸ ۇلتتىق بانك ٶتكٸزگەن بريفينگتە "رەسەي رۋبلٸنٸڭ قازاقستان اۋماعىنداعى اينالىمىن رەتتەۋ ٷشٸن شەكتەۋ قويۋ مٷمكٸن بە" دەگەن ساۋال قويدى.
پٸرماتوۆ قازٸر جاعداي باقىلاۋدا ەكەنٸن, قاجەت بولسا ٷكٸمەتپەن بٸرلەسٸپ قاجەتتٸ شەشٸم قابىلداۋعا بولاتىنىن ايتتى.
«بۇعان دەيٸن پرەزيدەنتتٸڭ جارلىعىمەن بٸزدٸڭ ەلدٸڭ اۋماعىنان شەتەل ۆاليۋتاسىمەن اقشا شىعارۋعا شەكتەۋ قويىلعان. ول جارلىقتىڭ ماقساتى – قارجى جٷيەسٸنٸڭ تۇراقتىلىعىن قامتاماسىز ەتۋ جەنە سانكتسييا تەۋەكەلدەرٸن ازايتۋ. سەۋٸردەن باستاپ شٸلدەگە دەيٸن بٸز ەكٸنشٸ دەڭگەيلٸ بانكتەردٸڭ كاسسالارىندا قولما-قول رۋبلدٸڭ جيناقتالعانىن بايقاعان ەدٸك. شٸلدە-تامىزدا بٸز جيناقتالعان قولما-قول اقشانىڭ بەرٸن سىرتقا شىعارۋعا مٷمكٸندٸك بەردٸك. ەستەرٸڭٸزدە بولسا, ول 38,3 ملرد رۋبل بولاتىن», - دەگەن ۇلتتىق بانك باسشىسى قازٸر بانك كاسسالارىندا ول كەزدەگٸدەي كٶپ رۋبل جوق ەكەنٸن مەلٸم ەتتٸ.
«بٷگٸندە, بٸزدٸڭ سوڭعى مەلٸمەتتەر بويىنشا, ەكٸنشٸ دەڭگەيلٸ بانكتەردٸڭ كاسساسىنداعى رۋبل ماسساسى شەتٸن مٶلشەردە ەمەس. بٸز ونى كٷندەلٸكتٸ باقىلاپ وتىرمىز. قاجەت بولعان جاعدايدا ۇلتتىق بانك پەن ٷكٸمەت قاجەتتٸ شەشٸم قابىلدايدى», - دەدٸ عالىمجان پٸرماتوۆ.
