ەرەسەكتەر Pfizer ەكپەسٸمەن رەۆاكتسيناتسييا جاساي الا ما? بۇل ساۋالعا بريفينگ بارىسىندا الماتى قالاسى سانيتارلىق-ەپيدەميولوگييالىق باقىلاۋ دەپارتامەنتٸ باسشىسىنىڭ ورىنباسارى ەسەل قالىقوۆا جاۋاپ بەردٸ, دەپ حابارلايدى قازاقپارات.
«Sputnik ۆەكتورلىق ەكپە بولعاندىقتان, كەز كەلگەن يناكتيۆ ۆاكتسينامەن رەۆاكتسيناتسييا جاساۋعا بولادى. الماتىدا ازاماتتار Sputnik, Pfizer سيياقتى ەكپەلەرمەن رەۆاكتسيناتسييا جاساي الادى, تاڭداۋ بار. ەگەر كەرٸسٸنشە بٸرٸنشٸ يناكتيۆ ەكپە سالدىرعان بولسا, وندا Sputnik ۆەكتورلىق ۆاكتسيناسىمەن رەۆاكتسيناتسييا جاساي الادى. Pfizer ەكپەسٸمەن رەۆاكتسيناتسييا جاساعىسى كەلەتٸندەر تۇرعىلىقتى مەكەنجايى بويىنشا ەمحاناعا بارىپ, ٶتٸنٸم قالدىرۋى تيٸس. قوسىمشا دوزا بولعان جاعدايدا رەۆاكتسيناتسييا جاسالادى», - دەدٸ سپيكەر.
ونىڭ ايتۋىنشا, الماتى قالاسىندا Pfizer ەكپەسٸن ساقتاۋعا ارنالعان ەكٸ ارنايى توڭازىتقىش بار. ولار ەكپە ساقتاۋ ورتالىعىندا ورنالاسقان. ەرقايسىسىنىڭ سىيىمدىلىعى – 35 مىڭ دوزا. تاعى دەل وسىنداي 4 توڭازىتقىشقا تاپسىرىس بەرٸلدٸ.
