Eresekter Pfizer ekpesimen revaktsinatsiia jasai ala ma? Bul saýalǵa brifing barysynda Almaty qalasy sanitarlyq-epidemiologiialyq baqylaý departamenti basshysynyń orynbasary Ásel Qalyqova jaýap berdi, dep habarlaidy QazAqparat.
«Sputnik vektorlyq ekpe bolǵandyqtan, kez kelgen inaktiv vaktsinamen revaktsinatsiia jasaýǵa bolady. Almatyda azamattar Sputnik, Pfizer siiaqty ekpelermen revaktsinatsiia jasai alady, tańdaý bar. Eger kerisinshe birinshi inaktiv ekpe saldyrǵan bolsa, onda Sputnik vektorlyq vaktsinasymen revaktsinatsiia jasai alady. Pfizer ekpesimen revaktsinatsiia jasaǵysy keletinder turǵylyqty mekenjaiy boiynsha emhanaǵa baryp, ótinim qaldyrýy tiis. Qosymsha doza bolǵan jaǵdaida revaktsinatsiia jasalady», - dedi spiker.
Onyń aitýynsha, Almaty qalasynda Pfizer ekpesin saqtaýǵa arnalǵan eki arnaiy tońazytqysh bar. Olar ekpe saqtaý ortalyǵynda ornalasqan. Árqaisysynyń syiymdylyǵy – 35 myń doza. Taǵy dál osyndai 4 tońazytqyshqa tapsyrys berildi.
