Pfizer-دٸ گۋمانيتارلىق كٶمەك رەتٸندە الاتىن ەلدەردٸڭ قاتارىنا كٸرمەيمٸز. بۇل تۋرالى قر دەنساۋلىق ساقتاۋ مينيسترٸ الەكسەي تسوي ايتتى, دەپ حابارلايدى قازاقپارات.
ورتالىق كوممۋنيكاتسييالار قىزمەتٸندە ٶتكەن باسپاسٶز مەسليحاتى بارىسىندا باق ٶكٸلدەرٸ مينيستردەن Pfizer ۆاكتسيناسى ٶزبەكستانعا جەتٸزٸلگەندٸگٸن ايتا كەلە, اتالعان ۆاكتسينانى ەلٸمٸزگە ەكەلۋ نەلٸكتەن كەشٸگٸپ جاتقانىن سۇراعان ەدٸ.
«ەڭ الدىمەن, ٶزبەكستانعا گۋمانيتارلىق كٶمەك رەتٸندە جەتكٸزٸلدٸ. بۇل – اقش تاراپىنان بەرٸلگەن گۋمانيتارلىق كٶمەك. بٸز كەلٸسسٶز جٷرگٸزٸپ جاتىرمىز. ۆاكتسينا بٸزگە گۋمانيتارلىق كٶمەك رەتٸندە بەرٸلمەيدٸ. ٶيتكەنٸ, قازاقستان ورتاشا باقۋاتتى ەل سانالادى. نەگٸزٸنەن دٷنيەجٷزٸلٸك دەنساۋلىق ساقتاۋ ۇيىمىنىڭ تابىسى تٶمەن ەلدەر ساناتىنا كٸرەتٸن مەملەكەتتەرگە جەتكٸزٸلەدٸ. سوعان وراي بۇل ەلدەرگە گۋمانيتارلىق كٶمەك رەتٸندە بەرٸلەدٸ. افريكا ەلدەرٸنە جەتكٸزٸلٸپ جاتىر. قازاقستان مۇنداي ەلدەردٸڭ قاتارىنا جاتپايدى. بٸزدە ۋاعدالاستىق بار, ٷكٸمەتپەن, Pfizer كومپانيياسىمەن كەلٸستٸك. تاياۋ ۋاقىتتا جەتكٸلٸكتٸ كٶلەمدە الامىز», - دەدٸ الەكسەي تسوي.
ونىڭ ايتۋىنشا, قازان مەن قاراشا ايلارىندا ەلٸمٸزگە Pfizer-دٸڭ 4 ملن دوزاسى جەتكٸزٸلەدٸ. بۇل 2 ملن ادامدى ەكپەمەن قامتۋعا مٷمكٸندٸك بەرەدٸ.
