Pfizer-di gýmanitarlyq kómek retinde alatyn elderdiń qataryna kirmeimiz. Bul týraly QR Densaýlyq saqtaý ministri Aleksei Tsoi aitty, dep habarlaidy QazAqparat.
Ortalyq kommýnikatsiialar qyzmetinde ótken baspasóz máslihaty barysynda BAQ ókilderi ministrden Pfizer vaktsinasy Ózbekstanǵa jetizilgendigin aita kele, atalǵan vaktsinany elimizge ákelý nelikten keshigip jatqanyn suraǵan edi.
«Eń aldymen, Ózbekstanǵa gýmanitarlyq kómek retinde jetkizildi. Bul – AQSh tarapynan berilgen gýmanitarlyq kómek. Biz kelissóz júrgizip jatyrmyz. Vaktsina bizge gýmanitarlyq kómek retinde berilmeidi. Óitkeni, Qazaqstan ortasha baqýatty el sanalady. Negizinen Dúniejúzilik densaýlyq saqtaý uiymynyń tabysy tómen elder sanatyna kiretin memleketterge jetkiziledi. Soǵan orai bul elderge gýmanitarlyq kómek retinde beriledi. Afrika elderine jetkizilip jatyr. Qazaqstan mundai elderdiń qataryna jatpaidy. Bizde ýaǵdalastyq bar, Úkimetpen, Pfizer kompaniiasymen kelistik. Taiaý ýaqytta jetkilikti kólemde alamyz», - dedi Aleksei Tsoi.
Onyń aitýynsha, qazan men qarasha ailarynda elimizge Pfizer-diń 4 mln dozasy jetkiziledi. Bul 2 mln adamdy ekpemen qamtýǵa múmkindik beredi.
