Pfizer جەنە BioNTech كومپانييالارى اقش-تىڭ دەرٸ-دەرمەكتٸ قاداعالايتىن ورىندارىنان 5-11 جاستاعى بالالارعا كوروناۆيرۋسقا قارسى ۆاكتسينا سالۋعا رۇقسات سۇرادى. اقش-تىڭ ازىق-تٷلٸك جەنە دەرٸ-دەرمەك جٶنٸندەگٸ اگەنتتٸگٸ (FDA) ساراپشىلارمەن بٸرگە كومپانييالاردىڭ ٶتٸنٸشٸن 26 قازاندا قارايدى.
بۇعان دەيٸن اقش-تا اتالعان ۆاكتسينانى 12-15 جاستاعى جاسٶسپٸرٸمدەرگە شۇعىل جاعدايدا سالۋعا رۇقسات ەتٸلگەن. ەگەر FDA ساراپشىلارى بالالارعا ۆاكتسينانى پايدالانۋدى ماقۇلداسا, وندا رۇقسات بەرٸلگەننەن كەيٸن بٸرنەشە كٷن ٸشٸندە 5-11 جاس ارالىعىنداعى شامامەن 28 ميلليون بالاعا ەكپە ەگٸلە باستايدى.
دەنساۋلىق ساقتاۋ سالاسى ماماندارىنىڭ ايتۋىنشا, ەرەسەكتەرگە قاراعاندا بالالارعا كوروناۆيرۋستان قاتتى قاۋٸپ تٶنبەسە دە, كەي كەزدە كوۆيد بالا ٶلٸمٸنە سەبەپ بولۋى مٷمكٸن. امەريكا پەدياترييا اكادەميياسىنىڭ مەلٸمەتٸنشە, اقش-تا شامامەن 500 بالا كوروناۆيرۋستان قايتىس بولعان.
Pfizer مەن BioNTech كومپانييالارىنىڭ حابارلاۋىنشا, ارنايى زەرتتەۋ بالالارعا ەرەسەككە سالىناتىن دوزانىڭ ٷشتەن بٸر بٶلٸگٸ سالىنۋى تيٸس ەكەنٸن كٶرسەتكەن. ەكٸنشٸ دوزادان كەيٸن 5-11 جاستاعى بالالاردا جاٶسپٸرٸمدەردە سيياقتى ۆيرۋسقا تٶتەپ بەرەتٸن انتيدەنە قالىپتاسادى.
قازاقستان جاقىن ارادا Pfizer ۆاكتسيناسىن 12 جاستان باستاپ بالالار مەن جاسٶسپٸرٸمدەرگە سالۋدى جوسپارلاپ وتىر. دەنساۋلىق ساقتاۋ مينيسترٸ الەكسەي تسوي وسى اپتادا Pfizer-دٸڭ 4 ملن دوزاسى ەلگە تٶرتٸنشٸ توقساندا جەتەدٸ دەپ مەلٸمدەگەن. مينيستر ۆاكتسينا بالالارعا اتا-انالارى نەمەسە قامقورشىسىنىڭ رۇقساتىمەن سالىناتىنىن ايتقان. ول سونىمەن بٸرگە قاجەتتٸ ۇيىمداردىڭ رۇقساتىن العان كومپانييا ۆاكتسيناسىن 5 جاستان باستاپ بالالارعا سالۋ مٷمكٸندٸگٸن دە قاراستىراتىنىن ايتقان.
