"الەكساندر پەتروۆ" پەن "رۋسلان بوشيروۆ" تۋرالى مەلٸمەتتەر جارييالانىپ كەتٸپ, فەدەرالدىق قاۋٸپسٸزدٸك قىزمەتٸ (فسب) تەرگەۋ باستاعان سوڭ رەسەيدٸڭ جابىق مەلٸمەتتەر بازاسىنا كٸرۋ قيىندادى. بۇل تۋرالى The Bell ينتەرنەت باسىلىمى حابارلادى.
ٸشكٸ ٸستەر مينيسترلٸگٸنٸڭ بۇرىنعى ەكٸ قىزمەتكەرٸنٸڭ باسىلىمعا ايتۋىنشا, "روسپاسپورت" بازاسىنا جەنە كەسٸپكەرلەر قىزمەتكەرلەر مەن كونتراگەنتتەردٸ تەكسەرۋ ٷشٸن قولداناتىن فەدەرالدىق سالىق قىزمەتٸنٸڭ مەلٸمەتتەر بازاسىنا كٸرۋ قيىنداعان. "بۇرىن بازالاردى بٸرگە تۇراتىن ادامىڭ نەمەسە تانىسىڭ ارقىلى پايدالانۋعا مٷمكٸندٸك بولسا, قازٸر بارلىعى ٸلٸگٸپ كەتپەيٸن دەپ ۋايىمداپ وتىر" دەدٸ بۇرىنعى پوليتسەي. ەكٸنشٸ دەرەككٶزٸ بارلاۋ قىزمەتٸ مەلٸمەتتەرٸنٸڭ قولدى بولۋى "شەكتەۋدٸ بۇرىنعىدان دا كٷشەيتە تٷسەتٸنٸن" ايتادى.
30 قازاندا "روسبالت" اگەنتتٸگٸ فسب-داعى دەرەككٶزٸنە سٸلتەمە جاساپ, "پەتروۆ" پەن "بوشيروۆ" تۋرالى مەلٸمەتتەردٸڭ جارييالانۋىنا كٷدٸكتٸ شەكارا قىزمەتٸ مەن فەدەرالدىق سالىق قىزمەتٸنٸڭ ەكٸ قىزمەتكەرٸ ۇستالعانىن حابارلاعان.
قىركٷيەكتٸڭ باسىندا ۇلىبريتانييا بيلٸگٸ بيىلعى ناۋرىزدىڭ 4-ٸ كٷنٸ سولسبەري قالاسىندا سەرگەي سكريپال مەن قىزى يۋليياعا قارسى جٷيكەنٸ جانسىزداندىراتىن اسا ۋلى زات قولدانۋعا كٷدٸكتٸ سانالاتىن ەكٸ ەر ادامنىڭ بەينەباقىلاۋ كامەراسى تٷسٸرگەن فوتوسۋرەتٸن جارييالاعان. پوليتسييا مەلٸمدەمەسٸندە ول ەكٸ ادامنىڭ ۇلىبريتانييا اۋماعىنا "رۋسلان بوشيروۆ" جەنە "الەكساندر پەتروۆ" دەگەن رەسەيلٸك ازاماتتارعا بەرٸلگەن پاسپورتپەن كەلگەنٸ ايتىلعان.
Bellingcat زەرتتەۋ توبى الەكساندر پەتروۆتىڭ شىن اتى الەكساندر ميشكين ەكەنٸن انىقتاعان. زەرتتەۋ توبىنىڭ مەلٸمەتٸنشە, ميشكين ەسكەري اكادەمييالاردىڭ بٸرٸندە مەديتسينالىق بٸلٸم العان جەنە رەسەي ەسكەري بارلاۋىنىڭ قىزمەتكەرٸ. رۋسلان بوشيروۆتىڭ رەسەيلٸك بارلاۋشى اناتوليي چەپيگا ەكەنٸ بەلگٸلٸ بولعان.
ال "پەتروۆ" پەن "بوشيروۆ" RT تەلەكانالىنا ٶزدەرٸنٸڭ "قاراپايىم كەسٸپكەرلەر" ەكەنٸن, سولسبەريگە "تۋريست رەتٸندە بارعانىن" مەلٸمدەگەن.
مەسكەۋ سەرگەي مەن يۋلييا سكريپالدەرگە جاسالعان قاستاندىققا قاتىسى بارىن جوققا شىعارادى. رەسەي پرەزيدەنتٸ ۆلاديمير پۋتين "پەتروۆ" پەن "بوشيروۆتى" "قاراپايىم ادامدار" دەپ اتاپ, ولاردىڭ ٸسٸندە "ەشقانداي قىلمىس جوق" دەپ مەلٸمدەگەن.
