پەتروپاۆل قالاسىنىڭ 25 جاستاعى تۇرعىنى الەكساندر ريابۋحا ٶزٸنٸڭ ەلەكتروندى مەلٸمەتتەر بازاسىندا ٶلٸ رەتٸندە تٸركەلگەنٸن, وسى سەبەپتٸ تۇرعىن ٷي كەزەگٸنەن الىپ تاستالعانىن بٸلگەن. جاس جٸگٸت التى ايدان استام ۋاقىت بويى مەملەكەتتٸك ورگاندارعا ٶزٸنٸڭ تٸرٸ ەكەنٸن دەلەلدەي الماي كەلەدٸ, - دەپ حابارلايدى Tengrinews.kz تٸلشٸسٸ "استانا"تەلەارناسىنا سٸلتەمە جاساپ.
جەتٸمدەر ٷيٸندە ٶسكەن ول بٸرنەشە جىلدان بەرٸ پەتەر كەزەگٸندە تۇر. جاقىندا جٸگٸت ٶزٸنٸڭ تٸزٸمنەن شىعىپ قالعانىن بٸلگەن.
"ناۋرىز ايىن قاراعاندا مەن ەكٸمدٸكتٸڭ باسپانا بويىنشا كەزەگٸندە بولدىم. بٸراق ماعان مەنٸ كەزەكتەن الىپ تاستاعانى تۋرالى sms-حابارلاما كەلدٸ. تٸزٸم جارتى جىلدا بٸر رەت جاڭارتىلادى. سول سەبەپتٸ كٷتتٸم. جاقىندا ول جاڭارتىلىپتى, مەنٸڭ تٸزٸمدە جوق ەكەنٸمدٸ دوسىم كٶرٸپ, ايتتى. يە, شىنىندا دا جوق ەكەنمٸن. ەكٸمدٸككە بارىپ بٸلدٸم. بۇل قاتەلٸك دەيدٸ. كەزەكتەن الىپ تاستاۋ سەبەبٸندە مەنٸڭ قايتىس بولعانىم كٶرسەتٸلٸپتٸ. ٶتكەن ەكٸ كٷن بويى ٶزٸمنٸڭ تٸرٸ ەكەنٸمدٸ جەنە مەنٸ قايتا كەزەككە قوسۋلارى ٷشٸن قۇجاتتار جينادىم", - دەيدٸ الەكساندر ريابۋحا.
بەرٸنەن بۇرىن, جٸگٸت "مەزگٸلسٸز ٶلٸمٸنٸڭ" سالدارىنان باسپانا كەزەگٸنەن قاعىلىپ, ۇزاق جىلدار بويى جالدامالى پەتەرلەردٸ كەزۋگە مەجبٷر بولامىن با دەپ قورقادى.
پەتروپاۆل ەكٸمدٸگٸ ەزٸرگە ونىڭ قالاي بولعانىن تٷسٸنە الماي, جٷيەنٸڭ اقاۋىن كٸنەلاپ وتىر.
"رەسپۋبليكالىق مەلٸمەتتەر بازاسىندا جٷيەلٸك بۇزىلۋ بولعان. سالدارىنان الەكساندردىڭ ستاتۋسى كٶرٸنبەيدٸ. ول ٶتكەن اپتادا قالالىق ەكٸمدٸككە كەلدٸ, وعان نە ٸستەۋ قاجەتتٸگٸ ايتىلدى. ەرتەڭ كٶشٸ-قون پوليتسيياسىنا بارىپ, جاڭارتامىز. ستاتۋسى 5 كٷننٸڭ ٸشٸندە ٶزگەرۋٸ كەرەك. تەك سودان كەيٸن عانا ونى باسپانا بويىنشا كەزەككە بۇرىنعى ورنىنا قايتا قويادى. مەسەلەنٸ باقىلاۋدا ۇستاپ وتىرمىز", - دەيدٸ پەتروپاۆل قالاسى ەكٸمدٸگٸنٸڭ ٸشكٸ ساياسات بٶلٸمٸ باسشىسى ازات ىبىراەۆ.
