پەتروپاۆل قالاسىندا پوليتسييا قىزمەتكەرلەرٸ زاڭسىز ساقتالعان تەمەكٸ ٶنٸمدەرٸ مەن سپيرت يٸسٸ بار سۇيىقتىقتىڭ ٸرٸ پارتيياسىن انىقتاپ, تەركٸلەدٸ, دەپ حابارلايدى ult.kz.
Polisia.kz مەلٸمەتٸنشە, تەكسەرۋ بارىسىندا قالا ورتالىعىنداعى ساۋدا ٷيلەرٸنٸڭ بٸرٸندە ورنالاسقان قويمادان اكتسيزدٸك تاڭباسى جوق 15 مىڭعا جۋىق قوراپ تەمەكٸ تابىلعان. سونداي-اق جالپى كٶلەمٸ 180 ليتردٸ قۇرايتىن سپيرت يٸسٸ بار سۇيىقتىق قۇيىلعان 36 بەس ليترلٸك ىدىس تەركٸلەندٸ.
پوليتسييا مەلٸمەتٸنشە, قويمانى 54 جاستاعى پەتروپاۆل تۇرعىنى جالعا العان. زاڭسىز ساقتالعان ٶنٸمدەردٸڭ بارلىعى تەركٸلەنٸپ, جينالعان ماتەريالدار پروتسەسسۋالدىق شەشٸم قابىلداۋ ٷشٸن ۋەكٸلەتتٸ مەملەكەتتٸك ورگانعا جولداندى.
ۆەدومستۆونىڭ دەرەگٸنە سەيكەس, جىل باسىنان بەرٸ سولتٷستٸك قازاقستان وبلىسىندا قوعامدىق ورىنداردا ماس كٷيٸندە جٷرگەنٸ نەمەسە الكوگول ٸشكەنٸ ٷشٸن 7018 ادام ەكٸمشٸلٸك جاۋاپكەرشٸلٸككە تارتىلعان.
سونىمەن قاتار الكوگول ٶنٸمدەرٸن ٶتكٸزۋ قاعيدالارىن بۇزعانى ٷشٸن 152, الكوگولدٸ زاڭسىز ٶتكٸزگەنٸ ٷشٸن 166, ال ەتيل سپيرتٸنٸڭ اينالىمى سالاسىنداعى زاڭنامانى بۇزعانى ٷشٸن 4 ادام جاۋاپقا تارتىلدى.
وسى كەزەڭدە زاڭسىز اينالىمنان 7600 ليتردەن استام الكوگول ٶنٸمٸ تەركٸلەنگەن.
پوليتسييانىڭ مەلٸمەتٸنشە, «زاڭ مەن تەرتٸپ» قاعيداتى اياسىندا تەمەكٸ جەنە الكوگول ٶنٸمدەرٸنٸڭ زاڭسىز اينالىمىن انىقتاۋ جەنە ونىڭ جولىن كەسۋ بويىنشا جۇمىستار جالعاسىپ جاتىر.
