فوتو: gov.kz
پەتروپاۆل ەكٸمٸ رۋسلان اڭباەۆ قالا تۇرعىندارىنان 471 ميلليون تەڭگەنٸ قايتارۋدى سۇرادى. ەكٸمنٸڭ ايتۋىنشا, قاراجات كٶپقاباتتى تۇرعىن ٷيلەردٸ جاڭعىرتۋعا ارنالعان, - دەپ حابارلايدى Tengrinews.kz اگەنتتٸگٸ پەتروپاۆلوۆسك.news سايتىنا سٸلتەمە جاساپ.
15 تامىزدا رۋسلان اڭباەۆ قالا ورتالىعىنىڭ پەتەر يەلەرٸنٸڭ كووپەراتيۆٸ مەن مەنشٸك يەلەرٸنٸڭ بٸرلەستٸگٸ تٶراعالارىمەن كەزدەسكەن. مۇندا 445 كٶپقاباتتى ٷي ورنالاسقان. بۇل كٶپقاباتتى ٷيلەردە 313-ٸ قازٸرگٸ باسقارۋ نىساندارىمەن جۇمىس ٸستەيدٸ. ال 132 ٷيدە مەنشٸك يەلەرٸنٸڭ بٸرلەستٸگٸ دە, قاراپايىم سەرٸكتەستٸك تە ەلٸ جاسالماعان.
قالا ەكٸمٸنٸڭ ايتۋىنشا, بٷگٸندە باستى مەسەلە - كٶپقاباتتى تۇرعىن ٷيلەردٸ جاڭارتۋ.
"بىلتىر كٶپقاباتتى ٷيلەردٸ جاڭعىرتۋعا رەسپۋبليكالىق بيۋدجەتتەن 980 ميلليون تەڭگە بٶلٸندٸ. پەتروپاۆلدىڭ ورتالىق بٶلٸگٸندەگٸ 11 تۇرعىن ٷي جٶندەۋ جۇمىسىنان ٶتتٸ. بۇعان رەسپۋبليكالىق قازىنادان 629 ميلليون تەڭگە بٶلٸندٸ. قازٸر بۇل قارجىنى قايتارۋ مەسەلەسٸ قاراستىرىلىپ جاتىر", - دەدٸ رۋسلان اڭباەۆ.
2011 جىلدان بەرٸ قالا تۇرعىندارىنىڭ قارىزى 471 ميلليون تەڭگە بولعان. 471 ميلليونعا 80 جاڭا ويىن الاڭىن ورناتۋعا نەمەسە 15 اۋلا جولىنا اسفالت تٶسەۋگە بولادى.
"سوندىقتان قالاداعى جۇمىستاردى جٷيەلٸ تٷردە جالعاستىرۋ ٷشٸن قارجىنى بيۋدجەتكە قايتارۋدى سۇرايمىز", - دەدٸ ەكٸم.
