Foto: gov.kz
Petropavl ákimi Rýslan Ańbaev qala turǵyndarynan 471 million teńgeni qaitarýdy surady. Ákimniń aitýynsha, qarajat kópqabatty turǵyn úilerdi jańǵyrtýǵa arnalǵan, - dep habarlaidy Tengrinews.kz agenttigi Petropavlovsk.news saityna silteme jasap.
15 tamyzda Rýslan Ańbaev qala ortalyǵynyń páter ieleriniń kooperativi men menshik ieleriniń birlestigi tóraǵalarymen kezdesken. Munda 445 kópqabatty úi ornalasqan. Bul kópqabatty úilerde 313-i qazirgi basqarý nysandarymen jumys isteidi. Al 132 úide menshik ieleriniń birlestigi de, qarapaiym seriktestik te áli jasalmaǵan.
Qala ákiminiń aitýynsha, búginde basty másele - kópqabatty turǵyn úilerdi jańartý.
"Byltyr kópqabatty úilerdi jańǵyrtýǵa respýblikalyq biýdjetten 980 million teńge bólindi. Petropavldyń ortalyq bóligindegi 11 turǵyn úi jóndeý jumysynan ótti. Buǵan respýblikalyq qazynadan 629 million teńge bólindi. Qazir bul qarjyny qaitarý máselesi qarastyrylyp jatyr", - dedi Rýslan Ańbaev.
2011 jyldan beri qala turǵyndarynyń qaryzy 471 million teńge bolǵan. 471 millionǵa 80 jańa oiyn alańyn ornatýǵa nemese 15 aýla jolyna asfalt tóseýge bolady.
"Sondyqtan qaladaǵy jumystardy júieli túrde jalǵastyrý úshin qarjyny biýdjetke qaitarýdy suraimyz", - dedi ákim.
