مەجٸلٸس دەپۋتاتى ازات پەرۋاشەۆ استانادا بەس بالانىڭ ٶمٸرٸن قيعان جويقىن ٶرت پەن وعان كٸنەلٸلەر تۋرالى پٸكٸرٸن بٸلدٸردٸ, دەپ حابارلايدى Sputnik قازاقستان تٸلشٸسٸ.
دەپۋتات كٸنەلٸ ادامدى ٸزدەۋ دۇرىس ەكەنٸن, مۇنداي دٷنيەنٸ بەي-جاي قالدىرۋعا بولمايتىنىن ايتتى.
"استاناداعى تراگەدييامەن قاتار قىزىلوردادا ٷش بالا, ەكٸ كٷننەن كەيٸن پاۆلوداردا بٷتٸندەي بٸر وتباسى قازا بولدى, سودان كەيٸن تٷركٸستانداعى قايعىلى وقيعا. ميللياردتاعان بيۋدجەتٸ بار قىزمەتتەر بولسا دا, ٶكٸنٸشكە قاراي, ٶرت قاۋٸپسٸزدٸگٸ, ادامداردىڭ قاۋٸپسٸزدٸگٸ مەسەلەسٸ بٸزدە ەكٸنشٸ ورىنعا سىرعىپ كەتٸپ جاتىر", - دەدٸ پەرۋاشەۆ.
پەرۋاشەۆ ەربٸر مينيستر ساياساتكەر رەتٸندە ٶز سٶزٸنە جاۋاپ بەرۋٸ كەرەكتٸگٸن اتاپ ٶتتٸ.
"ەربٸر شەنەۋنٸك ٶز جۇمىسى ٷشٸن جاۋاپكەرشٸلٸكتەن باس تارتپاۋى كەرەك. ەبٸلقاسىموۆا (ەڭبەك جەنە حالىقتى ەلەۋمەتتٸك قورعاۋ مينيسترٸ) 16 مىڭ تەڭگە كٶپ دەدٸ. مەنٸڭشە, بۇل - ٷلكەن قاتەلٸك. بٸراق, بۇل قاتەلٸكتٸڭ جۋىرداعى تراگەديياعا تٸكەلەي قاتىسى جوق... ول ٷي بۇل سٶزدەن كەيٸن جانىپ كەتكەن جوق, بٸز وسىنى تٷسٸنۋٸمٸز كەرەك", - دەدٸ مەجٸلٸسمەن.
دەسە دە, دەپۋتات ەبٸلقاسىموۆا مينيستر رەتٸندە ەلەۋمەتتٸك سالاعا جاۋاپتى ەكەنٸن, سوندىقتان حالىقتى مازالاعان پروبلەمالاردى ٷكٸمەت الدىنا قويۋ قاجەتتٸگٸن قاداپ ايتتى.
"ول ٷكٸمەتتە وتىرعان ويىنشىق ەمەس. مەن ەبٸلقاسىموۆا حانىمدى قۇرمەتتەيمٸن, بٸراق مينيستر رەتٸندە ول ەلەۋمەتتٸك سالاعا جاۋاپتى. سوندىقتان حالىقتىڭ تالابى ورىندى دەپ سانايمىن. مينيستردٸ وتستاۆكاعا كەتٸرۋ كەرەك پە? جۇرتشىلىق مينيستردەن قانداي دا بٸر ەرەكەتٸ ٷشٸن جاۋاپكەرشٸلٸكتٸ تالاپ ەتۋگە قۇقىلى. ەربٸر مينيستر ٶز سالاسىنا جاۋاپ بەرۋٸ تيٸس", - دەدٸ پەرۋاشەۆ.
ول ەڭبەك جەنە حالىقتى ەلەۋمەتتٸك قورعاۋ ۆيتسە-مينيسترٸ سۆەتلانا جاقىپوۆانىڭ "اتا-انالاردىڭ تٷندە جۇمىس ٸستەۋٸ – ولاردىڭ تاڭداۋى" دەگەنٸنە قاتىستى دا پٸكٸرٸن بٸلدٸردٸ.
"اتا-انا شاراسىزدىقتان بارىپ وتىر مۇنداي قادامعا. ەڭبەك جەنە حالىقتى ەلەۋمەتتٸك قورعاۋ مينيسترلٸگٸ نەگە كٶپ بالالى اتا-انالاردى تٷندە جۇمىس ٸستەۋگە جٸبەرەدٸ?", - دەپ اشۋلاندى دەپۋتات.
ونىڭ ايتۋىنشا, مەجٸلٸستٸڭ جالپى وتىرىسىندا "اق جول" فراكتسيياسى كٶپ بالالى وتباسىلارعا تٶلەنەتٸن ەلەۋمەتتٸك جەردەماقى, باسپانا مەسەلەسٸن تاعى دا كٶتەرەدٸ.
پەرۋاشەۆ ٶرت قاۋٸپسٸزدٸگٸ مەسەلەسٸ ايماقتىق ەمەس, بارلىق ٶڭٸردە كەزدەسەتٸن جٷيەلٸ پروبلەما ەكەنٸن اتاپ ٶتتٸ.
"ٶرتكە قاتىستى ايتار بولساق, بۇل تٶتەنشگە جاعدايلار كوميتەتٸنٸڭ تٸكەلەي جاۋاپكەرشٸلٸگٸ. وتستاۆكا تۋرالى سٶز قوزعاساق, ٸشكٸ ٸستەر مينيسترلٸگٸنٸڭ تٶتەنشە جاعدايلار كوميتەتٸنٸڭ وتستاۆكاسى تۋرالى ايتۋىمىز كەرەك. بۇل ولاردىڭ تٸكەلەي جۇمىسى", - دەدٸ دەپۋتات.
ەستەرٸڭٸزگە سالا كەتەيٸك, بٸر وتباسىنداعى بەس بالانىڭ ٶمٸرٸن جالماعان ٶرت استانادا كٶكتال-1 اۋدانىندا بولدى. اپالى-سٸڭلٸلٸ بەس قىز تٷندە ٷيدە جالعىز قالعان, اتا-اناسى جۇمىستا بولىپتى. ٶرت سالدارىنان 2006, 2009, 2014, 2016 جەنە 2018 جىلدارى تۋعان بەس بالا كٶز جۇمدى.
