ادۆوكات مەيٸرمان شەكەەۆ قوعام قايراتكەرٸ, اقىن مۇحتار شاحانوۆتىڭ 40 كٷندٸك اسىنا قاتىسىپ, ونىڭ ۇلت مٷددەسٸ جولىنداعى كٷرەسٸ تۋرالى ەستەلٸگٸمەن بٶلٸستٸ, دەپ حابارلايدى ult.kz.
شەكەەۆتٸڭ ايتۋىنشا, كٶپشٸلٸك مۇحتار شاحانوۆتى اقىن, كومپوزيتور جەنە قوعام بەلسەندٸسٸ رەتٸندە تانىعانىمەن, ونىڭ باستى ماقساتى قازاق حالقىنىڭ مٷددەسٸنە قىزمەت ەتۋ بولعان.
ادۆوكاتتىڭ سٶزٸنشە, مۇحتار شاحانوۆتىڭ جارى حانشايىم اپايدىڭ ايتۋى بويىنشا, ول بٸر ساپارىندا مەسكەۋدە سىرقاتتانىپ, كرەمل اۋرۋحاناسىنا جاتۋ تۋرالى ۇسىنىس العان. الايدا بەلگٸسٸز ادام تەلەفون ارقىلى ەسكەرتۋ جاساپ, ول اۋرۋحاناعا جاتسا, امان شىعۋى ەكٸتالاي ەكەنٸن ايتقان. وسىدان كەيٸن مۇحتار شاحانوۆ قازاقستانعا شۇعىل ورالىپ, قاۋٸپتەن قۇتىلعان كٶرٸنەدٸ.
مەيٸرمان شەكەەۆ تاعى بٸر وقيعانى بايانداپ, مۇحتار شاحانوۆ الماتىداعى №7 اۋرۋحانادا جاتقان كەزٸندە تٷندە پەردە ارتىندا پىشاق ۇستاعان بەينەنٸ كٶرگەن كٶرٸنەدٸ. ونىڭ پٸكٸرٸنشە, وسى سەكٸلدٸ وقيعالار كەيٸن مۇحتار شاحانوۆتىڭ قىرعىزستانعا ەلشٸ بولىپ قىزمەت اتقارۋىنا ەسەر ەتكەن.
شەكەەۆتٸڭ پٸكٸرٸنشە, مۇحتار شاحانوۆ قانداي قىسىم كٶرسە دە, ۇلتتىق مٷددە جولىنداعى ۇستانىمىنان ەشقاشان اينىماعان.
«قازاق تٸلٸنٸڭ مەملەكەتتٸك تٸل رەتٸندە بەكٸتٸلۋٸ جولىندا مۇحتار اعانىڭ ەڭبەگٸ زور بولدى. ول ٶز كٶزقاراسىن اشىق ايتىپ, ۇلت مٷددەسٸن قورعاۋدا باتىلدىق تانىتتى», – دەدٸ ادۆوكات.
