"بٸزدە وسى شابۋىلدى جاساۋعا مٷمكٸندٸك بەرگەن بارلاۋ بولدى" دەدٸ تەيلور ٶزگە دەرەكتەردٸ ناقتىلاماي.
26 تامىز كٷنٸ كابۋل ەۋەجايىنىڭ قاقپاسىندا, ٸشكە كٸرگٸسٸ كەلگەن اۋعان ازاماتتارى جينالعان جەردە جانكەشتٸ شابۋىلىنان 170 اۋعان ازاماتى, 13 امەريكالىق سارباز قازا تاپتى. جارىلىستى "يسلام مەملەكەتٸ" ۇيىمىنىڭ "حوراسان ۋەلاياتى" توبى موينىنا الدى.
وسىنىڭ الدىندا اقش ەسكەري بيلٸگٸ شابۋىل كەزٸندە نىساناعا دەل وسى حوراسان توبىنىڭ ادامدارىن العانىن ايتقان.
ەۋەجايداعى جارىلىستان كەيٸن اقش پرەزيدەنتٸ دجو بايدەن ەكسترەميستٸك توپتان كەك الۋعا ۋەدە بەرگەن.
"كەشٸرمەيمٸز. ۇمىتپايمىز. اڭدىپ جٷرٸپ ۇستاپ الامىز, جاۋاپ بەرگٸزەمٸز" دەدٸ بايدەن 26 تامىزدا.
27 تامىز كٷنٸ اقش ەسكەري بيلٸگٸ كابۋل ەۋەجايىندا 31 تامىزعا دەيٸن اياقتالۋى تيٸس ەۆاكۋاتسييا وپەراتسيياسىنا ەلٸ دە قاۋٸپ تٶنٸپ تۇرعانىن ايتتى.
"الداعى تالپىنىستاردى كٷتٸپ وتىرمىز جەنە وعان دايىنبىز" دەدٸ پەنتاگون ٶكٸلٸ دجون كيربي جۋرناليستەرگە.
اق ٷي ٶكٸلٸ دجەن پساكي 27 تامىزدا سٶيلەگەن سٶزٸندە, اقش ۇلتتىق قاۋٸپسٸزدٸك ساراپشىلارى تاعى بٸر "شابۋىل بولۋى ىقتيمال" ەكەنٸن جەنە الداعى بٸرنەشە كٷن "وسى كەزگە دەيٸنگٸ ەڭ قاۋٸپتٸ كەزەڭ" بولاتىنىن باسا ايتتى.
ناتو-عا مٷشە وداقتاس ەلدەردٸڭ تاعى بٸرنەشەۋٸ اۋعانستانداعى وپەراتسيياسىن اياقتادى. يم شابۋىلىنان سوڭ, اقش جەتەكشٸلٸك ەتەتٸن ادامداردى ەۆاكۋاتسييالاۋ ميسسيياسى اقىرعى كەزەڭٸنە اياق باستى. ٶز ازاماتتارى مەن اۋعان ازاماتتارىن كابۋلدان ۇشاقپەن تاسىمالداۋعا قاتىسقان 20-دان استام وداقتاس ەلدٸڭ كٶپشٸلٸگٸ 27 تامىزعا دەيٸن ەۆاكۋاتسييانى اياقتاعانى جايلى حاباردار ەتكەن.
