"Bizde osy shabýyldy jasaýǵa múmkindik bergen barlaý boldy" dedi Teilor ózge derekterdi naqtylamai.
26 tamyz kúni Kabýl áýejaiynyń qaqpasynda, ishke kirgisi kelgen aýǵan azamattary jinalǵan jerde jankeshti shabýylynan 170 aýǵan azamaty, 13 amerikalyq sarbaz qaza tapty. Jarylysty "Islam memleketi" uiymynyń "Horasan ýálaiaty" toby moinyna aldy.
Osynyń aldynda AQSh áskeri biligi shabýyl kezinde nysanaǵa dál osy Horasan tobynyń adamdaryn alǵanyn aitqan.
Áýejaidaǵy jarylystan keiin AQSh prezidenti Djo Baiden ekstremistik toptan kek alýǵa ýáde bergen.
"Keshirmeimiz. Umytpaimyz. Ańdyp júrip ustap alamyz, jaýap bergizemiz" dedi Baiden 26 tamyzda.
27 tamyz kúni AQSh áskeri biligi Kabýl áýejaiynda 31 tamyzǵa deiin aiaqtalýy tiis evakýatsiia operatsiiasyna áli de qaýip tónip turǵanyn aitty.
"Aldaǵy talpynystardy kútip otyrmyz jáne oǵan daiynbyz" dedi Pentagon ókili Djon Kirbi jýrnalisterge.
Aq úi ókili Djen Psaki 27 tamyzda sóilegen sózinde, AQSh ulttyq qaýipsizdik sarapshylary taǵy bir "shabýyl bolýy yqtimal" ekenin jáne aldaǵy birneshe kún "osy kezge deiingi eń qaýipti kezeń" bolatynyn basa aitty.
NATO-ǵa múshe odaqtas elderdiń taǵy birnesheýi Aýǵanstandaǵy operatsiiasyn aiaqtady. IM shabýylynan soń, AQSh jetekshilik etetin adamdardy evakýatsiialaý missiiasy aqyrǵy kezeńine aiaq basty. Óz azamattary men aýǵan azamattaryn Kabýldan ushaqpen tasymaldaýǵa qatysqan 20-dan astam odaqtas eldiń kópshiligi 27 tamyzǵa deiin evakýatsiiany aiaqtaǵany jaily habardar etken.
