پەدوفيلدٸك قىلمىستى جاسىرعان اتا-انا 6 جىلعا سوتتالۋى مٷمكٸن. اۋىر قىلمىستار ٷشٸن جازانى قاتايتۋ تۋرالى زاڭ جوباسىن تانىستىرعان قر باس پروكۋرورىنىڭ ورىنباسارى مارات احمەتجانوۆ وسىنداي مەلٸمەت ايتتى, دەپ حابارلايدى قازاقپارات.
«قازٸرگٸ زاڭدا سىبايلاس جەمقورلىق قىلمىستارى مەن تەرروريستٸك اكت دايىندالىپ جاتقانىن نەمەسە جاسالعانىن جاسىرىپ قالعانى ٷشٸن قىلمىستىق جازا قاراستىرىلعان. ەندٸ كەمەلەتكە تولماعانداردىڭ جىنىستىق تيٸسپەۋشٸلٸگٸنە قارسى جاسالعان قىلمىستاردىڭ دەلەلٸن جاسىرۋ نەمەسە قولدان جاساۋ ەرەكەتتەرٸ دە جاۋاپكەرشٸلٸك ارقالايتىن بولادى. پەدوفيلييانىڭ اۋىر فاكتٸلەرٸ تۋرالى حابارلاماعاندار دا جازاعا تارتىلادى. بۇل اۋىر قىلمىسقا 6 جىلعا باس بوستاندىعىنان ايىرۋ جازاسى قولدانىلادى. ياعني, ول جاۋاپكەرشٸلٸك بالالارعا سەكسۋالدىق زورلىق جاساۋ فاكتٸلەرٸن جاسىرىپ قالعان مامانداندىرىلعان بالالار مەكەمەسٸنٸڭ قىزمەتكەرلەرٸ مەن باسشىلىعىنا ارتىلادى. دەل وسىنداي جاۋاپكەرشٸلٸك بالانىڭ اسىراۋشىسى مەن اتا-اناسىنا دا جٷكتەلەدٸ», - دەدٸ مارات احمەتجانوۆ.
