Pedofildik qylmysty jasyrǵan ata-ana 6 jylǵa sottalýy múmkin. Aýyr qylmystar úshin jazany qataitý týraly zań jobasyn tanystyrǵan QR Bas prokýrorynyń orynbasary Marat Ahmetjanov osyndai málimet aitty, dep habarlaidy QazAqparat.
«Qazirgi zańda sybailas jemqorlyq qylmystary men terroristik akt daiyndalyp jatqanyn nemese jasalǵanyn jasyryp qalǵany úshin qylmystyq jaza qarastyrylǵan. Endi kámeletke tolmaǵandardyń jynystyq tiispeýshiligine qarsy jasalǵan qylmystardyń dálelin jasyrý nemese qoldan jasaý áreketteri de jaýapkershilik arqalaityn bolady. Pedofiliianyń aýyr faktileri týraly habarlamaǵandar da jazaǵa tartylady. Bul aýyr qylmysqa 6 jylǵa bas bostandyǵynan aiyrý jazasy qoldanylady. Iaǵni, ol jaýapkershilik balalarǵa seksýaldyq zorlyq jasaý faktilerin jasyryp qalǵan mamandandyrylǵan balalar mekemesiniń qyzmetkerleri men basshylyǵyna artylady. Dál osyndai jaýapkershilik balanyń asyraýshysy men ata-anasyna da júkteledi», - dedi Marat Ahmetjanov.
