پرەمەر-مينيستردٸڭ ورىنباسارى ەرالى توعجانوۆ حالىقارالىق وليمپيادالاردىڭ جەڭٸمپازدارىنا قانداي قولداۋ جاسالاتىنىن ايتتى, دەپ حابارلايدى قازاقپارات.
«بٷگٸنگٸدەي اقپارات زامانىندا بٸلٸمنٸڭ مازمۇنى جىلدام ٶزگەرەتٸنٸن ەسكەرە وتىرىپ, پەداگوگتاردىڭ بٸلٸكتٸلٸگٸن ارتتىرۋ كەزەڭٸ 5 جىلدان 3 جىلعا اۋىستىرىلادى», - دەدٸ ەرالى توعجانوۆ ٷكٸمەتتەگٸ ونلاين باسپاسٶز مەسليحاتىندا.
سونىمەن قاتار ول حالىقارالىق وليمپيادالاردىڭ جەڭٸمپازدارى مەن جٷلدەگەرلەرٸنە جوعارى وقۋ ورىندارىنا كونكۋرسسىز گرانتتار بەرٸلەتٸنٸن ايتتى.
«بۇل شەشٸم تالانتتى جاستاردى جالپى قولداۋعا باعىتتالعان, ولاردىڭ ەلٸمٸزدە تەگٸن جوعارى بٸلٸم الۋىنا جول اشادى. سونداي-اق حالىقارالىق وليپيادالاردىڭ جەڭٸمپازدارىنا, ولاردىڭ پەداگوگتارى مەن تەلٸمگەرلەرٸنە بٸرجولعى اقشالاي سىيلىقتار دا تاعايىندالاتىن بولادى», - دەدٸ توعجانوۆ.
