Premer-Ministrdiń orynbasary Eraly Toǵjanov halyqaralyq olimpiadalardyń jeńimpazdaryna qandai qoldaý jasalatynyn aitty, dep habarlaidy QazAqparat.
«Búgingidei aqparat zamanynda bilimniń mazmuny jyldam ózgeretinin eskere otyryp, pedagogtardyń biliktiligin arttyrý kezeńi 5 jyldan 3 jylǵa aýystyrylady», - dedi Eraly Toǵjanov Úkimettegi onlain baspasóz máslihatynda.
Sonymen qatar ol halyqaralyq olimpiadalardyń jeńimpazdary men júldegerlerine joǵary oqý oryndaryna konkýrssyz granttar beriletinin aitty.
«Bul sheshim talantty jastardy jalpy qoldaýǵa baǵyttalǵan, olardyń elimizde tegin joǵary bilim alýyna jol ashady. Sondai-aq halyqaralyq olipiadalardyń jeńimpazdaryna, olardyń pedagogtary men tálimgerlerine birjolǵy aqshalai syilyqtar da taǵaiyndalatyn bolady», - dedi Toǵjanov.
