قازاقستاندا پايدالانىلماي جاتقان اۋىل شارۋاشىلىعى جەرلەرٸن جاپپاي مەملەكەتكە قايتارۋ جالعاسىپ جاتىر. بۇل تۋرالى ٷكٸمەتتٸڭ باسپاسٶز قىزمەتٸ حابارلادى.
قر اۋىل شارۋاشىلىعى مينيسترلٸگٸنٸڭ كٷشٸمەن 2022 جىلدىڭ 6 ايىندا 904 مىڭ گا پايدالانىلماعان نەمەسە زاڭنامانى بۇزا وتىرىپ بەرٸلگەن جەر مەملەكەت پايداسىنا قايتارىلدى (2021 جىلى 430 مىڭ گا قايتارىلعان). جىل سوڭىنا دەيٸن تاعى 5 ملن گا-عا دەيٸن پايدالانىلمايتىن اۋىل شارۋاشىلىعى جەرلەرٸن قايتارۋدى قامتاماسىز ەتۋ جوسپارلانىپ وتىر.
"مەملەكەت باسشىسىنىڭ تاپسىرماسى بويىنشا پايدالانىلماعان جەنە زاڭنامانى بۇزا وتىرىپ بەرٸلگەن جەرلەردٸ قايتارۋ جٶنٸندەگٸ جۇمىس كوميسسيياسى قۇرىلدى. قازٸرگٸ ۋاقىتتا بٸرنەشە باعىت بويىنشا جۇمىستار قاتار جٷرگٸزٸلٸپ جاتىر: بارلىق وبلىستا قۇقىق قورعاۋ جەنە مەملەكەتتٸك ورگانداردى تارتا وتىرىپ ۆەدومستۆوارالىق توپتار قۇرىلدى; 7,45 ملن گا الاڭدا 2 584 سۋبەكتٸگە قاتىستى «جاپپاي قاۋٸپ» شەڭبەرٸندە جەر رەسۋرستارىن باسقارۋ كوميتەتٸنٸڭ اۋماقتىق بٶلٸمشەلەرٸنٸڭ تەكسەرۋلەر جٷرگٸزۋٸن كٶزدەيتٸن اۋىل شارۋاشىلىعى مينيسترٸنٸڭ بۇيرىعى قابىلداندى. 1 ملن 517 مىڭ گا الاڭدا جەر پايدالانۋشىلارعا قاتىستى 601 جوسپاردان تىس تەكسەرۋ جٷرگٸزٸلدٸ, 680,9 مىڭ گا جەرگە قاتىستى تاعى 57 ماتەريال قر باس پروكۋراتۋراسىنىڭ قۇقىقتىق ستاتيستيكا جەنە ارنايى ەسەپكە الۋ جٶنٸندەگٸ كوميتەتٸنٸڭ باسقارمالارىندا تٸركەۋ ساتىسىندا تۇر. 2021 جىلى 210 مىڭ گا الاڭدا جەر پايدالانۋشىلارعا قاتىستى 177 جوسپاردان تىس تەكسەرۋ تٸركەلدٸ" - دەلٸنگەن حابارلامادا.
مەملەكەت پايداسىنا قايتارىلعان جەرلەردٸ ودان ەرٸ اگرارلىق سەكتور ٶكٸلدەرٸنە تٸكەلەي پايدالانۋعا بەرۋ ٷشٸن جەرگٸلٸكتٸ اتقارۋشى ورگاندار (ەكٸمدٸكتەر ارقىلى) بٶلەدٸ.
