بۇل تۋرالى بٷگٸن مەملەكەتتٸك قىزمەت ٸستەرٸ جەنە سىبايلاس جەمقورلىققا قارسى ٸس-قيمىل اگەنتتٸگٸنٸڭ رەسمي ٶكٸلٸ نۇرلان جاحين مەلٸم ەتتٸ, دەپ حابارلايدى قازاقپارات تٸلشٸسٸ.
ونىڭ ايتۋىنشا, سىبايلاس جەمقورلىققا قارسى ٸس-قيمىل ۇلتتىق بيۋروسى اسا ٸرٸ كٶلەمدە پارا الۋ كٷدٸگٸمەن پاۆلودار وبلىستىق مەملەكەتتٸك كٸرٸستەر دەپارتامەنتٸنٸڭ باسشىسى بايقۇرمانوۆ پەن اتالعان دەپارتامەنتتٸڭ ەكونوميكالىق تەرگەۋ قىزمەتٸنٸڭ باسشىسى بەيسەمباەۆتى ۇستاعان.
«31 تامىزدا جاسىرىن تەرگەۋ شارالارىن جٷرگٸزۋ بارىسىندا اتالعان تۇلعالار وسى جىلدىڭ ناۋرىزىندا قوزعالعان قىلمىستىق ٸستٸ توقتاتۋ جەنە 1,1 ملرد تەڭگەلٸك سالىقتى سالماۋ ٷشٸن جشس ٶكٸلٸنەن 100 مىڭ اقش دوللارىن قايتادان قايتارۋ بارىسىندا قىلمىستارى ەشكەرەلەنگەن. كٷدٸكتٸلەردٸڭ تۇرعىلىقتى جەرلەرٸندە, كابينەتتەرٸندە, جۇمىس ورىندارىندا تٸنتۋ جۇمىستارى جٷرگٸزٸلدٸ. سونىڭ نەتيجەسٸندە اقشا قاراجاتتارى مەن باعالى زاتتار تابىلدى. اتاپ ايتقاندا, 160 مىڭ اقش دوللارى, 10,5 ملن تەڭگە جەنە 9 جۇپ قىمبات شۆەيتسارلىق ساعات الىندى», - دەدٸ نۇرلان جاحين.
رەسمي ٶكٸلدٸڭ سٶزٸنە قاراعاندا, سول كٷنٸ كٷدٸكتٸلەر ۇستالىپ, پاۆلودار قالالىق ٸٸد ۋاقىتشا وقشاۋلاعىشىنا قامالعان. ال 3 قىركٷيەكتە كٷدٸكتٸلەردٸڭ ەكەۋٸ دە پاۆلودار قالالىق تەرگەۋ سوتىنىڭ سانكتسيياسىمەن قاماۋعا الىنعان.
«كٷدٸكتٸلەر تاراپىنان اقشا قاراجاتتارىن زاڭسىز الۋ ٶتٸنٸش بەرۋشٸنٸڭ تٷسٸنٸگٸ بويىنشا, سونداي-اق باسقا كۋەگەرلەرمەن جاسىرىن تەرگەۋ ەرەكەتتەرٸنٸڭ ماتەريالدارى ارقىلى راستالىپ وتىر. سوتقا دەيٸنگٸ تەرگەۋ اسا ٸرٸ كٶلەمدە پارا الۋ بابى بويىنشا جٷرگٸزٸلٸپ جاتىر», - دەدٸ ول.
نۇرلان جاحيننٸڭ ايتۋىنشا, كٷدٸكتٸلەردٸڭ لاۋازىمدى مەملەكەتتٸك قىزمەتتە بولۋ مٷمكٸنشٸلٸكتەرٸ شەكتەلەدٸ. سونىمەن قاتار پارانىڭ 70-80 ەسەلەنگەن سوماسى مٶلشەرٸندە ايىپپۇل سالىنۋى مٷمكٸن نەمەسە 10-15 جىلعا دەيٸن باس بوستاندىعىنان ايىرۋ جازاسىنا ٸلٸگەدٸ.
ەسكە سالا كەتسەك, پاۆلودار وبلىستىق مەملەكەتتٸك كٸرٸستەر دەپارتامەنتٸنٸڭ (مكد) باسشىسى ەرنۇر بايقۇرمانوۆ, مكد وبلىستىق باسقارماسى تەرگەۋ بٶلٸمٸنٸڭ باسشىسى ازامات بەيسەمباەۆ جەنە جەدەل ۋەكٸل د.ماعزۇموۆ 100 مىڭ اقش دوللارى كٶلەمٸندە پارا الدى دەگەن كٷدٸكپەن ۇستالعانىن بۇعان دەيٸن حابارلاعان بولاتىنبىز.
