پاۆلوداردا كٶپقاباتتى ٷيدەن قۇلاعان مۇز كەسەگٸنەن باسىنان اۋىر جاراقات العان 25 جاستاعى ەيەلگە قاتىستى وقيعانىڭ مەن-جايى انىقتالدى, دەپ حابارلايدى ult.kz.
پوليتسييانىڭ مەلٸمەتٸنشە, بۇل قاساقانا جاسالعان ەرەكەت ەمەس. وقيعاعا 12 جاستاعى قىز بالا ابايسىزدا سەبەپ بولعان.
پاۆلودار وبلىسى پوليتسييا دەپارتامەنتٸنٸڭ حابارلاۋىنشا, جاسٶسپٸرٸم بالكوندا تۇرعان كەزدە مۇزدى سىندىرۋعا ەرەكەت جاساعان. سول سەتتە مۇز كەسەگٸ قولىنان سىرعىپ كەتٸپ, تٶمەندە ٶتٸپ بارا جاتقان ەيەلدٸڭ ٷستٸنە قۇلاعان.
«كەمەلەتكە تولماعان قىزدىڭ ايتۋىنشا, ول بالكوندا تۇرعان مۇزدى سىندىرماق بولعان. الايدا مۇز كەسەگٸ بايقاۋسىزدا قولىنان تٷسٸپ كەتٸپ, تٶمەندەگٸ ەيەلگە تيگەن», – دەپ حابارلادى پوليتسييانىڭ باسپاسٶز قىزمەتٸ.
وقيعادان كەيٸن قىز قورقىپ, بولعان جاعدايدى اتا-اناسىنا دا, باسقا ەرەسەكتەرگە دە ايتپاعان.
پوليتسييا بالانىڭ زاڭدى ٶكٸلدەرٸن اتا-انالىق مٸندەتتەرٸن تيٸسٸنشە ورىنداماعانى ٷشٸن ەكٸمشٸلٸك جاۋاپكەرشٸلٸككە تارتتى.
قازٸرگٸ ۋاقىتتا وقيعانىڭ بارلىق مەن-جايى انىقتالدى.
