9 سەۋٸر كٷنٸ COVID-19 اۋرۋىنان ەمدەلٸپ شىققان ازاماتپەن بايلانىستا بولعان 154 ادامنىڭ بەرٸ دە باقىلاۋدان بوساتىلدى. بۇل تۋرالى پاۆلودار وبلىسىنىڭ دەنساۋلىق ساقتاۋ باسقارماسىنىڭ باسشىسى مٸندەتٸن اتقارۋشى بٸرجان دوسمايىلوۆ مەلٸم ەتتٸ, دەپ حابارلايدى قازاقپارات.
«9 سەۋٸر كٷنٸ كوروناۆيرۋس ينفەكتسيياسىن جۇقتىرعان تاعى 2 ادام تٸركەلدٸ. ٶكٸنٸشكە قاراي, بٸرەۋٸ كٶز جۇمدى. قايتىس بولعان كٸسٸ 1936 جىلى تۋعان. پاۆلودار تۇرعىنى. ول 8 سەۋٸردە اۋرۋحاناعا تٷسكەن. سول كٷنٸ ەر ادامنان كوروناۆيرۋس بويىنشا تەست الىنعان ەدٸ. كەلەسٸ كٷنٸ ونىڭ كوروناۆيرۋستى جۇقتىرىپ العانى بەلگٸلٸ بولدى. ەر ادام برونحا دەمٸكپەسٸمەن, ٶكپەنٸڭ سوزىلمالى اۋرۋى, جٷرەكتٸڭ يشەمييالىق اۋرۋىمەن, ٷشٸنشٸ دەرەجەلٸ ارتەرييالىق گيپەرتەنزييامەن جەنە كٶكٸرەك تەرٸسٸنٸڭ قاتەرلٸ ٸسٸگٸ دياگنوزدارىمەن ەسەپتە تۇرعان», - دەدٸ بٸرجان دوسمايىلوۆ پاۆلودار قالاسىندا ونلاين رەجٸمدە ٶتكەن ٶڭٸرلٸك كوممۋنيكاتسييالار قىزمەتٸنٸڭ باسپاسٶز مەسليحاتىندا.
ونىڭ ايتۋىنشا, كٶز جۇمعان قارييامەن بايلانىستا بولعان 118 ادامنىڭ 50-ٸ اۋرۋحاناعا جاتقىزىلىپ, 65-نە ٷي كارانتينٸ تەرتٸبٸ مٸندەتتەلگەن.
«ەكٸنشٸ ناۋقاس – 1981 جىلعى پاۆلودار تۇرعىنى. 8 سەۋٸردە كۆي بەلگٸلەرٸمەن جۇقپالى اۋرۋلار ەمحاناسىنا جەدەل جەردەممەن جەتكٸزٸلٸپ, جاتقىزىلدى. قازٸرگٸ كەزدە ونىڭ جاعدايى تۇراقتى. ەمدەلۋشٸنٸڭ ايتۋىنشا ول 21 ناۋرىزدان باستاپ قازاقستاننىڭ بٸرنەشە قالاسىندا, سونىڭ ٸشٸندە قاراعاندى, شىمكەنت, تاراز قالالارىنا بارعان. ونىمەن بايلانىستا بولعان 158 ادام انىقتالدى. ولاردىڭ 6-ى ستاتسيونارلىق كارانتينگە جاتقىزىلىپ, 24 ادام ٷي كارانتينٸن ساقتاۋعا مٸندەتتەلدٸ. 38 ادام باسقا ٶڭٸرلەردٸڭ تۇرعىندارى. ولار تۋرالى مەلٸمەت وبلىستاردىڭ تيٸستٸ مەكەمەلەرٸنە جٸبەرٸلدٸ», - دەدٸ ول.
بٸرجان دوسمايىلوۆ كەشە پاۆلودار وبلىسىندا بٸر ادامنىڭ كۆي-دان ەمدەلٸپ شىققانىن دا ەسكە سالدى.
«1988 جىلعى اقسۋ قالاسىنىڭ تۇرعىنى ەمدەلۋ كۋرسىنان ٶتٸپ, جازىلعاننان كەيٸن تۇراقتى مەكەنجايى بويىنشا ٷي كارانتينٸنە جٸبەرٸلدٸ. ونىمەن بايلانىستاعى 154 ادامنىڭ بەرٸ باقىلاۋدان بوساتىلدى», - دەدٸ ول.
ەسكە سالا كەتسەك پاۆلودار وبلىسىندا كوروناۆيرۋس ٸندەتٸنەن بٸر ادام كٶز جۇمعانى كەشە حابارلانعان بولاتىن. ول 1936 جىلى دٷنيەگە كەلگەن.
