باۋىر ەتٸ بالاسىن قوقىسقا تاستاي قاشقان انا ەندٸ "قاساقانا كٸسٸ ٶلتٸرۋگە باعىتتالعانى" ٷشٸن جاۋاپقا تارتىلادى. پاۆلودارلىق تەرگەۋشٸلەر ٸستٸ وسى باپ بويىنشا جٷرگٸزٸپ جاتىر. ال دٷيسەنبٸ كٷنٸ تابىلعان ۇل بالانى دەرٸگەرلەر ٶزارا دٷيسەنبەك دەپ اتاپ كەتٸپتٸ. شاقالاقتى جەشٸكتەن تاپقان تۇرعىن دا اۋرۋحاناعا ارنايى كەلٸپ, جاعدايىن بٸلدٸ, دەپ حابارلايدى كتك.
نەزيرا وماروۆا ەكٸ كٷن بۇرىن بولعان سۇمدىق جايتتان ەندٸ عانا ەسٸن جيعان. ايتۋىنشا, سول كٷنٸ ول سىرتقا دەرٸ-دەرمەك الۋعا شىعىپتى. بٸراق ٷي ماڭىنداعى دەرٸحانالاردىڭ بەرٸ جابىلىپ, ەيەل باسقا اۋدانعا قاراي بەت العان. وسىلايشا اۋلالاردىڭ بٸرٸمەن كەلە جاتىپ بالانىڭ ىڭىرسىعان داۋىسىن ەستيدٸ. بۇعان اسا مەن بەرمەگەنٸمەن, ەلگٸ شىرىل باسىلماپتى. سٶيتسە, بۇل وسى ماڭداعى قوقىس جەشٸگٸنٸڭ ٸشٸندە جاتقان شاقالاق ەكەن. ٶز كٶزٸنە ٶزٸ سەنبەگەن ەيەل سەبيدٸ بٸردەن قۇشاعىما الدىم دەيدٸ.
"جٷرەگٸمە باسىپ جىلاما, جىلاما, بەرٸ جاقسى بولادى, سەن قولىمداسىڭ دەپ قىزىمنىڭ ٷيٸنە اپاردىم. وندا اپارعان سوڭ پوليتسييانى شاقىردىق. دەرٸگەرلەر كەلدٸ. ەلگٸ بالا قولىمدا ٶزٸ كٸشكەنە داۋىسىن شىعارماي, باۋىرىما باسىلىپ جاتا قالدى. ٶزٸمنٸڭ جٷرەگٸم سونداي اۋىرىپ قالدى. تٷنٸمەن ۇيىقتامادىم", — دەيدٸ پاۆلودار قالاسىنىڭ تۇرعىنى نەزيرا وماروۆا.
ەكٸ تٷن دۇرىس ۇيىقتاماعان ەيەل ٶزٸ قۇتقارعان تاستاندىنىڭ جاعدايىن بٸلۋ ٷشٸن اۋرۋحاناعا اتتاندى. دالادا جاتقاندا العاش قۇشاعىنا العان ادامنىڭ كەلگەنٸن سەزدٸ مە, بالا دا مازاسىزدانىپ جىلاپ كەتتٸ. بەيكٷنە سەبيدٸ قايتا قولىنا العان نازيرا ونى جۇباتىپ, ٶزٸ دە كٶز جاسىنا ەرٸك بەردٸ.
ال پوليتسەيلەر بالاسىن قوقىس جەشٸگٸنە تاستاپ قاشقان كٶكەك انانى ٸزدەستٸرۋدٸ جالعاستىرۋدا. بولجامعا قاراعاندا, ول سەبيدٸ وسىدان ەكٸ اپتا بۇرىن دٷنيەگە ەكەلگەن. سالماعى ٷش كەلٸدەن اساتىن شاقالاق بولسا سۋىق جەردە بٸر ساعاتتاي جاتىپ قالعان. سوندىقتان دا ەلٸ دە دەرٸگەر باقىلاۋىندا بولۋ كەرەك.
"قازٸر بالانىڭ جاعدايى جاقسى, جامان ەمەس. بالا بٸزدە جاتقاندا سمەسپەن تاماقتاندىرامىز. جاعدايى بٸر قالىپتى, زييانى جوق. مٷمكٸن بەرٸ جاقسى بولسا, شىعارامىز", — دەيدٸ نەوناتولوگ-دەرٸگەر شولپان قۇرمانوۆا.
سەبيمەن جىلاپ قوشتاسقان 53 جاستاعى نەزيرا وماروۆانىڭ ٶزٸ – ەكٸ بالانىڭ اناسى. تاستاندى سەبيدٸڭ تۋعان اناسىنىڭ جاقىن كٷندەرٸ تابىلارىنا ول سەنەدٸ. تابىلماعان جاعدايدا دۇرىس جەردە تەربيەلەنۋٸنە سەپتٸگٸمدٸ تيگٸزەمٸن دەپ وتىر.
ەمحاناعا شاقالاقتىڭ جاعدايىن سۇراپ كەلگەن تۇرعىنداردىڭ بٸرٸ وعان كيٸم-كەشەك بەرٸپ كەتٸپتٸ. بۇعان قوسا, سەبيدٸ اسىراپ الۋعا ەلدەن نيەت بٸلدٸرٸپ جاتقاندار دا بار ەكەن.
