23 سەۋٸردە كەشكٸسٸن ەرەۆاننىڭ رەسپۋبليكا الاڭىندا نارازىلىق اكتسيياسىنىڭ ليدەرٸ بولعان, وپپوزيتسييالىق دەپۋتات نيكول پاشينيان جاڭا پرەمەر-مينيستر بٸر اپتانىڭ ٸشٸندە سايلانۋى كەرەكتٸگٸن مەلٸمدەدٸ, دەپ حابارلايدى Baq.kz اقپارات اگەنتتٸگٸ.
نيكول پاشينيان ارمەنيياداعى بيلٸكتٸڭ بەيبٸت جاعدايدا اۋىسىنا قاتىستى تالاپتاردى قايتالادى. ول بٸرٸنشٸ كەزەكتە سەرج سارگسياندى پرەمەر-مينيستر قىزمەتٸنەن كەتٸرۋ تالابى ورىندالدى دەدٸ. ەندٸ بٸر اپتا ٸشٸندە ۇلتتىق مەجٸلٸس جاڭا پرەمەر-مينيستردٸ سايلاۋى كەرەك.
پاشينيان مەرزٸمٸنەن بۇرىن پارلامەنت سايلاۋى بارىنشا قىسقا مەرزٸمدە قايتا ٶتۋٸ تيٸس دەدٸ. سونىمەن بٸرگە 25 سەۋٸردە «مارريوتت ارمەنييا» قوناق ٷيٸندە ۋاقىتشا پرەمەر-مينيستر قىزمەتٸن اتقارۋشى كارەن كاراپەتيانمەن كەلٸسسٶز جٷرەتٸنٸن دە حابارلادى.
سەرج سارگسيان 11 كٷنگە سوزىلعان حالىق تولقۋىنان كەيٸن پرەمەر-مينيستر قىزمەتٸنەن كەتتٸ. ول 2008-2018 جىلدارعا دەيٸن ارمەنييا پرەزيدەنتٸ بولعان. وسى ۋاقىتتا ول كونستيتۋتسيياعا ٶزگەرٸستەر ەنگٸزٸپ, پرەمەر-مينيستر ٶكٸلەتتٸگٸن كەڭەيتكەن. 17 سەۋٸردە پرەزيدەنتتٸك ٶكٸلەتتٸگٸ اياقتالعاننان كەيٸن, نارازىلىققا قاراماستان ٷكٸمەت تٸزگٸنٸن قولىنا العان.
