7 سەۋٸر كٷنگٸ مەسكەۋگە ساپارىندا ارمەنييا پرەمەر-مينيسترٸ نيكول پاشينيان رەسەي باسشىسى ۆلاديمير پۋتيننەن تاۋلى قاراباقتاعى سوعىس كەزٸندە تۇتقىندالعان ارميان ساربازدارىن بوساتۋعا قول ۇشىن بەرۋدٸ سۇرادى.
بىلتىر كٷزدە ارمەنييا مەن ەزەربايجان اراسىندا تاۋلى قاراباق ٷشٸن سوعىس بولعان. بۇل اۋماق حالىقارالىق دەرەجەدە ەزەربايجان بٶلٸگٸ رەتٸندە مويىندالعانمەن, 1990 جىلدىڭ باسىنان بەرٸ ەتنيكالىق ارمياندار باقىلاۋىندا بولعان.
التى اپتاعا سوزىلعان سوعىس رەسەي ارالاسۋىمەن جاسالعان اتىستى توقتاتۋ تۋرالى كەلٸسٸممەن اياقتالعان. وعان سەيكەس, تاۋلى قاراباقتىڭ بٸر بٶلٸگٸ جەنە وعان جاپسارلاس جاتقان جەتٸ اۋدان ەزەربايجان باقىلاۋىنا ٶتتٸ.
وسى كەلٸسٸمنٸڭ جٷزەگە اسۋىن قاداعالاۋ ٷشٸن تاۋلى قاراباق جەرٸنە رەسەيدٸڭ 2 مىڭ ادامنان تۇراتىن بٸتٸمگەر ەسكەرٸ كٸردٸ. 6 مىڭنان ادام سوعىستا قازا تاپقان. بٸراق تاۋلى قاراباقتىڭ اقىرعى مەرتەبەسٸ بۇلىڭعىر كٷيدە قالدى.
ەزەربايجان تارابىنىڭ قانشا ارميان سولداتىن تۇتقىندا ۇستاپ وتىرعانى جايلى رەسمي مەلٸمەت جوق. دەگەنمەن ربك اقپارات اگەنتتٸگٸنٸڭ جازۋىنشا, ەزەربايجاندا شامامەن 140 ارميان ساربازى قاماۋدا وتىر. ارمەنييا جاعىندا دا قانشا ەزەربايجاندىق بارى بەلگٸسٸز.
