كاۆكاز مۇسىلماندارى باسقارماسىنىڭ تٶراعاسى, شەيح-ۋل-يسلام گادجي اللاحشٷكٸر پاشازادە ەلەمدٸك جەنە دەستٷرلٸ دٸندەر كٶشباسشىلارى سەزٸ حاتشىلىعىنىڭ حٸح وتىرىسىندا سٶز سٶيلەدٸ, دەپ حابارلايدى قازاقپارات.
«وسىدان 18 جىل بۇرىن قازاق حالقىنىڭ كٶشباسشىسى, ىقپالدى ەلەمدٸك ساياساتكەر, تٷركٸ ەلەمٸ مەن ورتالىق ازييانىڭ كٶرنەكتٸ مەملەكەت قايراتكەرٸ, قازاقستان رەسپۋبليكاسىنىڭ تۇڭعىش پرەزيدەنتٸ - ەلباسى نۇرسۇلتان ەبٸشۇلى نازارباەۆتىڭ دٸندەر مەن ٶركەنيەتتەر اراسىنداعى ديالوگ قاعيداتتارى مەن پراكتيكاسىن ٸلگەرٸلەتۋ جٶنٸندەگٸ باستاماسى ٶزٸنٸڭ ماڭىزىن ساقتاپ كەلە جاتقانىن, ال بۇل يدەيانىڭ دەيەكتٸلٸگٸ مەن ٶنٸمدٸلٸگٸ ۋاقىتپەن دەلەلدەنگەنٸن ەرەكشە اتاپ ٶتكەن جٶن», - دەدٸ پاشازادە وتىرىستا.
ونىڭ ايتۋىنشا, بٷگٸندە ەلباسىنىڭ دانا كٶزقاراسى مەن كٷش-جٸگەرٸنٸڭ ارقاسىندا ەلەمدە دٸنارالىق ىنتىماقتىڭ جاڭا پلاتفورماسى قۇرىلعان.
«جوعارى مەرتەبەلٸ قازاقستان رەسپۋبليكاسىنىڭ پرەزيدەنتٸ قاسىم-جومارت توقاەۆتىڭ قازاق مەملەكەتتٸلٸگٸنٸڭ ٸلگەرٸلەۋٸ مەن ٶركەندەۋٸن, دٸنارالىق ديالوگ پەن ىنتىماق سالاسىنداعى, اتاپ ايتقاندا, ەلەمدٸك جەنە دەستٷرلٸ دٸندەر كٶشباسشىلارىنىڭ سەزدەرٸ شەڭبەرٸندەگٸ قۇندى يدەيالاردى ٸلگەرٸلەتۋ جٶنٸندەگٸ ساباقتاستىقتى قامتاماسىز ەتەتٸن ساياسي جولدى تابىستى جالعاستىرۋ جٶنٸندەگٸ كٷش-جٸگەرٸن ەرەكشە اتاپ ٶتكەن جٶن», - دەدٸ شەيح-ۋل-يسلام.
سونداي-اق, ول ەلەمدە كسەنوفوبييا, يسلاموفوبييا, حريستيانوفوبييا جەنە انتيسەميتيزم سيياقتى يدەولوگييالىق جەنە پراكتيكالىق قاۋٸپتەردٸڭ ٶسٸپ تۇرعانىن اتادى.
«بۇل حالىقارالىق تۇراقتىلىق پەن قاۋٸپسٸزدٸككە ٷلكەن كەدەرگٸ كەلتٸرەدٸ. بٷگٸنگٸ تاڭدا اگرەسسييانى, زورلىق-زومبىلىقتى جەنە كەمسٸتۋ تۋدىراتىن ٶشپەندٸلٸككە شاقىرۋ ناقتى ساياسي جەنە ەلەۋمەتتٸك قاۋٸپكە اينالدى. مۇنداي ٷندەۋلەردٸڭ يدەولوگييانىڭ كەسٸرٸنەن تٷرلٸ ايماقتارداعى تۇراقتىلىق بۇزىلىپ, ادامدار اراسىنداعى قاقتىعىستارعا, ەسكەري قىلمىستارعا, گەنوتسيدكە ەكەلٸپ وتىر», - دەگەن پاشازادە ەربٸر ساياسي جەنە دٸني كٶشباسشىنىڭ سٶز بوستاندىعى مەن دەموكراتييا سىلتاۋىمەن جەككٶرۋشٸلٸك پەن قاراما-قايشىلىقتى تۋدىراتىن وسىنداي ەرەكەتتەردٸ توقتاتۋ مٸندەتتٸ ەكەنٸن ەسكە سالدى.
«بٸز VII سەزدە جەنە ونىڭ قورىتىندى قۇجاتتارىندا كەزەكتٸ رەت ىنتىماقتاسا وتىرىپ, كسەنوفوبييانىڭ بارلىق نىساندارىن, عيبادات ورىندارىنداعى دٸندارلارعا قارسى ەكسترەميزمنٸڭ كەز كەلگەن اكتٸلەرٸن ايىپتاي وتىرىپ, دٸني نىشاندار مەن قاسيەتتٸ ورىنداردى قورلاۋعا قارسى نارازىلىق ٷنٸن كٶتەرەمٸز دەپ سەنەمٸن», - دەپ قورىتىندىلادى دٸني قايراتكەر.
