Kavkaz musylmandary basqarmasynyń tóraǵasy, Sheih-ýl-Islam Gadji Allahshúkir Pashazade álemdik jáne dástúrli dinder kóshbasshylary sezi hatshylyǵynyń HIH otyrysynda sóz sóiledi, dep habarlaidy QazAqparat.
«Osydan 18 jyl buryn qazaq halqynyń kóshbasshysy, yqpaldy álemdik saiasatker, Túrki álemi men Ortalyq Aziianyń kórnekti memleket qairatkeri, Qazaqstan Respýblikasynyń Tuńǵysh Prezidenti - Elbasy Nursultan Ábishuly Nazarbaevtyń dinder men órkenietter arasyndaǵy dialog qaǵidattary men praktikasyn ilgeriletý jónindegi bastamasy óziniń mańyzyn saqtap kele jatqanyn, al bul ideianyń dáiektiligi men ónimdiligi ýaqytpen dáleldengenin erekshe atap ótken jón», - dedi Pashazade otyrysta.
Onyń aitýynsha, búginde Elbasynyń dana kózqarasy men kúsh-jigeriniń arqasynda álemde dinaralyq yntymaqtyń jańa platformasy qurylǵan.
«Joǵary mártebeli Qazaqstan Respýblikasynyń Prezidenti Qasym-Jomart Toqaevtyń qazaq memlekettiliginiń ilgerileýi men órkendeýin, dinaralyq dialog pen yntymaq salasyndaǵy, atap aitqanda, álemdik jáne dástúrli dinder kóshbasshylarynyń sezderi sheńberindegi qundy ideialardy ilgeriletý jónindegi sabaqtastyqty qamtamasyz etetin saiasi joldy tabysty jalǵastyrý jónindegi kúsh-jigerin erekshe atap ótken jón», - dedi Sheih-ýl-Islam.
Sondai-aq, ol álemde ksenofobiia, islamofobiia, hristianofobiia jáne antisemitizm siiaqty ideologiialyq jáne praktikalyq qaýipterdiń ósip turǵanyn atady.
«Bul halyqaralyq turaqtylyq pen qaýipsizdikke úlken kedergi keltiredi. Búgingi tańda agressiiany, zorlyq-zombylyqty jáne kemsitý týdyratyn óshpendilikke shaqyrý naqty saiasi jáne áleýmettik qaýipke ainaldy. Mundai úndeýlerdiń ideologiianyń kesirinen túrli aimaqtardaǵy turaqtylyq buzylyp, adamdar arasyndaǵy qaqtyǵystarǵa, áskeri qylmystarǵa, genotsidke ákelip otyr», - degen Pashazade árbir saiasi jáne dini kóshbasshynyń sóz bostandyǵy men demokratiia syltaýymen jekkórýshilik pen qarama-qaishylyqty týdyratyn osyndai áreketterdi toqtatý mindetti ekenin eske saldy.
«Biz VII sezde jáne onyń qorytyndy qujattarynda kezekti ret yntymaqtasa otyryp, ksenofobiianyń barlyq nysandaryn, ǵibadat oryndaryndaǵy dindarlarǵa qarsy ekstremizmniń kez kelgen aktilerin aiyptai otyryp, dini nyshandar men qasietti oryndardy qorlaýǵa qarsy narazylyq únin kóteremiz dep senemin», - dep qorytyndylady dini qairatker.
