مەملەكەت باسشىسى ەل-فارابي اتىنداعى وقۋشىلار سارايىندا ورنالاسقان سايلاۋ ۋچاسكەسٸنە بارىپ, قازاقستان رەسپۋبليكاسى مەجٸلٸسٸ مەن جەرگٸلٸكتٸ مەسليحاتتار سايلاۋىندا ٶز تاڭداۋىن جاسادى.
پرەزيدەنت قازاقستاندىق جەنە شەتەلدٸك بۇقارالىق اقپارات قۇرالدارى ٷشٸن ۇيىمداستىرىلعان بريفينگتە پارلامەنت سايلاۋى ەربٸر ەلدٸڭ ٶمٸرٸندەگٸ اسا ماڭىزدى وقيعا ەكەنٸن اتاپ ٶتتٸ.
– بۇل سايلاۋ مەملەكەتٸمٸزدٸڭ ودان ەرٸ دامۋىنا سەرپٸن بەرەدٸ. جالپى بٸزدٸڭ پارلامەنتكە نەعۇرلىم كٶپ پارتييا كٸرسە, ەلٸمٸزدٸڭ بولاشاعى ٷشٸن دە سوعۇرلىم جاقسى بولادى. سوندىقتان سايلاۋ ەدٸل ٶتەدٸ دەپ سەنەمٸن. پارلامەنتتٸڭ نەگٸزگٸ مٸندەتٸ ساپالى زاڭدار قابىلداۋ. قازاقستانعا ساپالى زاڭناما جٷيەسٸ قاجەت. سول سەبەپتٸ بەرٸمٸز وسى مٷمكٸندٸكتٸ پايدالانىپ داۋىس بەرۋٸمٸز كەرەك, – دەدٸ قاسىم-جومارت توقاەۆ.
جۋرناليستەر ەڭ الدىمەن پرەزيدەنتتٸڭ سايلاۋعا قانداي كٶڭٸل-كٷيمەن كەلگەنٸن, قاي پارتيياعا داۋىس بەرگەنٸن سۇرادى.
– كٶڭٸل-كٷيٸم ٶتە جاقسى. حالقىمىز بەلسەندٸ تٷردە داۋىس بەرٸپ جاتىر. بٸز قازاقستاننىڭ بولاشاعى, ەلٸمٸزدٸڭ دامۋى ٷشٸن داۋىس بەردٸك. پارلامەنتتە ەلٸمٸزدٸڭ كەلەشەگٸ, حالقىمىزدىڭ تاعدىرى جايىندا كەڭ اۋقىمدى پٸكٸرتالاستار بولۋى كەرەك, – دەدٸ پرەزيدەنت.
باق ٶكٸلدەرٸن قاسىم-جومارت توقاەۆتىڭ سايلاۋدان نە كٷتەتٸنٸ, قانداي ٷمٸت ارتاتىنى قىزىقتىردى.
– بۇل سايلاۋ ەلٸمٸزدەگٸ دەموكراتييانى دامىتۋعا جاسالعان تاعى بٸر قادام بولۋى كەرەك. ەر سايلاۋ – ازاماتتىق قوعامنىڭ ٸلگەرٸلەگەنٸن كٶرسەتەتٸن سىناق. بٸزدٸڭ پارلامەنتٸمٸزدە ەرتٷرلٸ پارتييالار بولاتىنىنا ٷلكەن ٷمٸت ارتامىن, – دەدٸ مەملەكەت باسشىسى.
جۋرناليستەر پرەزيدەنتتەن سايلاۋالدى ٷگٸت-ناسيحات ناۋقانىنىڭ قانشالىقتى بەسەكەگە ساي ٶتكەنٸ تۋرالى سۇرادى.
– حالقىمىزدىڭ ازاماتتىق بەلسەندٸلٸگٸ ٶتە جوعارى. ٷمٸتكەرلەر ٶتە كٶپ. بارلىعىنا تەڭ مٷمكٸندٸك جاسالدى. جالپى العاندا, سايلاۋ جوعارى دەڭگەيدە, زاڭناماعا سەيكەس ٶتٸپ جاتىر. قاندايدا دا بٸر زاڭ بۇزۋشىلىقتار تٸركەلگەن جوق. بٸز بەرٸن مۇقييات باقىلاپ وتىرمىز. بۇل سايلاۋ بەرٸمٸزگە, ەسٸرەسە, ازاماتتىق قوعامعا ٷلكەن سىناق. سوندىقتان سايلاۋ جاقسى ٶتەدٸ دەپ ويلايمىن, – دەدٸ قاسىم-جومارت توقاەۆ.
بريفينگ بارىسىندا مەملەكەت باسشىسى رەفورمالاردىڭ كەزەكتٸ پاكەتٸ ەزٸرلەنٸپ جاتقانىن ايتتى.
– رەفورمالار دايىندالىپ جاتىر. ول توقتاماۋى كەرەك. 15 قاڭتاردا پارلامەنتتە دەپۋتاتتاردىڭ جاڭا قۇرامىنىڭ الدىندا سٶيلەيمٸن. ودان كەيٸن ۇلتتىق قوعامدىق سەنٸم كەڭەسٸنٸڭ وتىرىسىندا الداعى رەفورمالار جايى جان-جاقتى تالقىلانادى, – دەدٸ پرەزيدەنت.
جۋرناليستەر قاسىم-جومارت توقاەۆتان بولاشاقتا ٷكٸمەتتە بولاتىن اۋىس-تٷيٸستەر تۋرالى پٸكٸرٸن سۇرادى.
– بٸزدٸڭ زاڭناماعا سەيكەس, ٷكٸمەت وتستاۆكاعا كەتۋٸ كەرەك. سايلاۋدان سوڭ پارلامەنتتە جاڭادان سايلانعان دەپۋتاتتارمەن جەنە فراكتسييا جەتەكشٸلەرٸمەن پرەمەر-مينيستردٸڭ, ٷكٸمەت مٷشەلەرٸنٸڭ قۇرامى جٶنٸندە اقىلداسامىن, – دەدٸ مەملەكەت باسشىسى.
