پاريج ماڭىنداعى ارجانتيويدە ەكٸ مىڭنان استام ادام 14 جاسار اليشانى ەسكە الۋعا ارنالعان «اق مارشقا» قاتىستى, دەپ حابارلايدى ەuronews.
8 ناۋرىز كٷنٸ ونى سىنىپتاستارى سوققىعا جىعىپ, سەناعا يتەرٸپ جٸبەرگەن سوڭ, سۋعا باتىپ قازا تاپتى. بۇل وقيعاعا دەيٸن بويجەتكەن قىزدىڭ سىنىبىنداعى قۇربى-قۇرداستارى ونىڭ دەرەجەسٸن تٷسٸرٸپ, اۋىر سٶزدەر ايتقان, ەلەۋمەتتٸك جەلٸدە جەكە پاراقشاسىن بۇزىپ اشۋ ارقىلى ينتيمدٸك فوتوسۋرەتتەرٸن قولعا تٷسٸرٸپ, جەبٸر كٶرسەتكەن.
اليشانىڭ اناسى: «بۇل وقيعانىڭ بولعانىنا سەنە الار ەمەسپٸن. ونىڭ قاتىگەزدٸك, ايۋاندىقپەن كٶز جۇمعانىن ويلاعاندا, ۇيىقتاي المايمىن. مەن ٶزٸمدٸ جالعىز سەزٸنٸپ جٷرمٸن, جٷرەگٸمنٸڭ بٸر بٶلشەگٸنەن ايىرىلعانداي كٷيدەمٸن», - دەيدٸ.
تەرگەۋ مەلٸمەتٸنشە, اليشا بۇرىن جاقىن بولىپ, كەيٸن ارالارى سۋىپ كەتكەن دوستارىنىڭ قولىنان قازا تاپقان. مەكتەپتەگٸ تەرٸس ەرەكەتتەرٸ سەبەبٸمەن ليتسەيدەن ۋاقىتشا وقۋدان شىعارىلعان ولار اليشانى ادام كٶپ جٷرمەيتٸن جەرگە شاقىرىپ الىپ, سوققىعا جىعىپ, سۋعا يتەرٸپ جٸبەرگەن. ول كەزدە بويجەتكەن ەلٸ ەسٸنەن تانباعان ەدٸ.
اليشانىڭ ٶلٸمٸنە كٸنەلٸ ۇل بالا مەن قىز قاماۋعا الىندى. ولارعا ادام ٶلتٸرگەنٸ ٷشٸن ايىپ تاعىلدى.
