«اق جول» دەموكراتييالىق پارتيياسى فراكتسيياسىنىڭ دەپۋتاتتارى پاندەمييادان زارداپ شەككەن شاعىن جەنە ورتا بيزنەستٸ 6 پايىزبەن قايتا قارجىلاندىرۋدى تالاپ ەتتٸ, دەپ حابارلايدى "ۇلت اقپارات".
«قر پرەزيدەنتٸ وسى جىلدىڭ 1 قاڭتارىنداعى جولداۋىندا «ەكونوميكانىڭ زارداپ شەككەن سەكتورىنداعى شاعىن جەنە ورتا بيزنەستٸڭ بارلىق قولدانىستاعى كرەديتتەرٸ بويىنشا جىلدىق 6 پايىزدىق مٶلشەرلەمەمەن مەملەكەتتٸك سۋبسيدييالاۋدى قامتاماسىز ەتۋ قاجەت« دەگەن بولاتىن. سونىمەن قاتار پرەزيدەنت بۇل ماقساتقا قسوىمشا 200 ملرد تەڭگە بٶلٸنەتٸندٸگٸن, ال سۋبسيدييالاۋ باعدارلاماسىنىڭ جالپى كٶلەٸ 800 ملرد تەڭگەگە جەتكٸزٸلەتٸندٸگٸن حابارلاعان ەدٸ. بۇل تاپسىرما كەسٸپكەرلٸك قوعامداستىق اراسىندا ٷلكەن رەزونانس تۋدىردى», - دەدٸ پرەمەر-مينيستر اسقار ماميننٸڭ اتىنا دەپۋتاتتىق ساۋال جولداعان ازات پەرۋاشەۆ.
مەجٸلٸس دەپۋتاتىنىڭ دەرەگٸنشە, تٸكەلەي پاندەمييادان جەنە ونىمەن بايلانىستى شارالاردان 1 ميلليونان استام كەسٸپكەر زارداپ شەكتٸ. بۇل ەلٸمٸزدە تٸركەلگەن بيزنەس سۋبەكتٸلەرٸنٸڭ ٷشتەن ەكٸسٸن قۇرايدى.
تٶتەنشە جاعدايعا جەنە لوكداۋن شەكتەۋلەرٸنە بايلانىستى 430 مىڭنان استام كەسٸپكەر جۇمىسىن توقتاتىپ, ونىڭ باسىم بٶلٸگٸ ەلٸ كٷنگە دەيٸن قىزمەتٸن جانداندىرعان جوق. ەسٸرەسە كٶلٸك, ساۋدا جەنە قىزمەت كٶرسەتۋ, قوعامدىق تاماقتانۋ, قوناق ٷي بيزنەس, جىلجىمايتىن مٷلٸكپەن بايلانىستى وپەراتسييالار سالالارى ٷلكەن شىعىنعا باتتى.
الايدا مەملەكەت باسشىسىنىڭ تاپسىرماسىنا سەيكەس ەلٸمٸزدٸڭ بارلىق ٶڭٸرلەرٸندەگٸ شاعىن جەنە ورتا بيزنەس سۋبەكتٸلەرٸنٸڭ كرەديتتەرٸن قايتا قارجىلاندىرۋ جٷرگٸزٸلمەي وتىر.
«وسىعان وراي بٸز ٷكٸمەتتەن, ۇلتتىق بانكتەن جەنە قر قارجى نارىعىن رەتتەۋ جەنە دامىتۋ اگەنتتٸگٸنەن زارداپ شەككەن بارلىق شاعىن جەنە ورتا بيزنەستٸڭ كرەديتتەرٸن 6 پايىزبەن قايتا قارشىلاندىرۋدى شۇعىل, كٸدٸرتپەستەن باستاۋدى ٶتٸنەمٸز. سونىمەن قاتار پرەزيدەنت جولداۋىنىڭ ورىندالۋىن سٶز بۇيداعا سالعان لاۋازىمدى تۇلعالاردى انىقتاپ, جاۋاپكەرشٸلٸككە تارتۋدى سۇرايمىز», - دەدٸ ازات پەرۋاشەۆ.
