پاندەمييا مۇسىلمان ەلەمٸن ودان سايىن بٸرٸكتٸرە تٷستٸ. بۇل تۋرالى ەلەمدٸك جەنە دەستٷرلٸ دٸندەر كٶشباسشىلارى سەزٸ حاتشىلىعىنىڭ حٸح وتىرىسىندا قازاقستان مۇسىلماندارى دٸني باسقارماسىنىڭ تٶراعاسى, باس مٷفتي ناۋرىزباي قاجى تاعانۇلى ايتتى, دەپ حابارلايدى قازاقپارات.
«كەز كەلگەن دەستٷرلٸ دٸن حالىقتى ادامگەرشٸلٸك پەن ٸزگٸلٸككە ٷندەيدٸ. دٸن – ادامدىق قاسيەتتٸ قالىپتاستىراتىن تەڭدەسسٸز تەربيە مەكتەبٸ. دەمەك, بٸز دٸننٸڭ وسىناۋ قۋاتتى كٷشٸن ادامدار اراسىنداعى دوستىق, ٶزارا سىيلاستىق پەن قۇرمەتتٸ ارتتىرۋعا باعىتتاۋىمىز كەرەك. ەلەمدٸك جەنە دەستٷرلٸ دٸن ليدەرلەرٸ سەزٸنٸڭ باستاماشىسى قازاقستاننىڭ تۇڭعىش پرەزيدەنتٸ – ەلباسى نۇرسۇلتان نازارباەۆتىڭ: «حالىقتاردى بٸر-بٸرٸنەن بٶلەتٸن تەڭٸزدەر ەمەس, ناداندىق پەن تٸلدەردٸڭ بٶلەكتٸگٸ دە ەمەس, ارازدىق قانا. دوستىق جوق جەردە ارازدىققا مٷمكٸندٸك مول بولماق» دەگەن سٶزٸندە ٷلكەن ماعىنا جاتىر. پرەزيدەنتٸمٸز قاسىم-جومارت كەمەلۇلى توقاەۆ حالىققا جولداۋىندا: «قوعامداعى بٸرلٸك پەن كەلٸسٸمدٸ كٶزدٸڭ قاراشىعىنداي ساقتاۋىمىز كەرەك. ەتنوسارالىق جەنە كونفەسسيياارالىق قاتىناستىڭ قانشالىقتى ماڭىزدى ەكەنٸن بارلىق ازاماتىمىز تٷسٸنۋ قاجەت. بٸز قاشان دا الاۋىزدىققا قارسى تۇرا بٸلگەن ەلمٸز» دەپ اتاپ ٶتتٸ. راسىندا, بٸز بەيبٸتسٷيگٸش حالىقپىز جەنە ەلەم حالقىن بەيبٸت ٶمٸر سٷرۋگە ٷندەيمٸز. ەلٸمٸزدە تۇراقتى تٷردە ٶتٸپ كەلە جاتقان ەلەمدٸك جەنە دەستٷرلٸ دٸن ليدەرلەرٸنٸڭ سەزٸ وسىعان دەلەل», - دەدٸ باس مٷفتي.
ونىڭ اتاپ ٶتۋٸنشە, ەلەمدٸ جايلاعان پاندەمييالىق احۋال كٶپتەگەن ورتاق يگٸ ٸس-شارالاردىڭ ٶتۋٸنە توسقاۋىل بولدى. الايدا بۇل سىناق مۇسىلمان ەلەمٸن ودان سايىن بٸرٸكتٸرە تٷستٸ.
«بٸز ەلەمنٸڭ دٸن كٶشباسشىلارىنا «بٸز – بٸرگەمٸز, تٸلەگٸمٸز – ورتاق» دەگەن يگٸ نيەتپەن ٷندەۋ جولداپ, جۇما كٷنٸ بٸر مەزەتتە دۇعا جاساۋعا شاقىردىق. ٷندەۋگە بٸرقاتار مۇسىلمان ەلدەرٸ قولداۋ بٸلدٸرٸپ, ونلاين رەجيمدە دۇعا جاساۋ رەسٸمٸنە قاتىستى. وسى سەتتٸ پايدالانىپ, دٸن كٶشباسشىلارىنا تاعى دا اللا رازى بولسىن ايتامىن. بۇل باستاما دٸن قايراتكەرلەرٸن ورتاق ماقساتقا جۇمىلدىردى», - دەدٸ ناۋرىزباي قاجى تاعانۇلى.
