پاندەمييا كەزٸندە سەنٸمدٸ اقپارات كٶزٸن ٸزدەگەن اۋديتورييا تەلەارنالارعا ورالدى. بۇل تۋرالى «Astana Media Week 2020» بارىسىندا «QAZAQSTAN» رترك» اق باسقارما تٶرايىمى لەززات تانىسباي ايتتى, دەپ حابارلايدى قازاقپارات.
«پاندەمييا كەزٸندەگٸ تەلەارنالار تاقىرىبىنا توقتالاتىن بولساق, بٸزدە دە بارلىق سالاداعىداي ٶزگەرٸستەر ٶتە كٶپ. «قازاقستان» كورپوراتسيياسىنىڭ قۇرامىندا بٸرنەشە رەسپۋبليكالىق تەلەارنا, راديوستانتسييالار جەنە ايماقتىق تەلەارنالار بار. بارلىعىنا توقتالۋ مٷمكٸن ەمەس. دەسە دە, كارانتين ەنگٸزگەن نەگٸزگٸ ٶزگەرٸستەر جٶنٸندە ايتىپ ٶتسەم. شىنى كەرەك, مەنەدجەر رەتٸندە دەل وسى سەتتە ەكٸ ٷلكەن مٸندەت-ميسسييانىڭ اراسىندا قالدىق. بٸرٸنشٸسٸ جەنە ەڭ باستىسى - قىزمەتكەرلەرٸمٸزدٸڭ قاۋٸپسٸزدٸگٸن ساقتاۋ. بٸلەسٸزدەر, ۇجىم ٶتە ٷلكەن, سوندىقتان دا الدىمەن مٷمكٸن بولعان رەداكتسييالاردىڭ جۇمىسىن قاشىقتىققا اۋىستىرىپ, كەيبٸر بٶلٸم قىزمەتكەرلەردٸ اۋىسىمدارعا بٶلدٸك. جۋرناليست, رەجيسسەر, رەداكتورلارىمىز حابارلارىن تۇتاستاي بولماسا دا, ونلايندا جاساۋعا داعدىلاندى», - دەدٸ لەززات تانىسباي.
دەگەنمەن ول مۇنىڭ بارلىق قىزمەتتەرگە قاتىستى ەمەستٸگٸن باسا ايتتى.
«سەبەبٸ – الدىمىزدا كٶرەرمەندٸ ناقتى, تەكسەرٸلگەن اقپاراتپەن قامتاماسىز ەتۋ جەنە تەلەەفيردٸ ساپالى كونتەنتپەن تولتىرۋ مٸندەتٸ تۇردى. كەرٸسٸنشە, كارانتين كەزٸندە دەلەلدٸ, شىنايى, شۇعىل اقپاراتقا دەگەن سۇرانىس كٷشەيدٸ. سوندىقتان دا ەلدە كارانتين بولعان كەزدە تەلەۆيزييا مٸندەتٸ مەن ونداعى مامانداردىڭ قىزمەتٸ ەسەلەپ ارتتى. مىسالى «Qazaqstan» ارناسى بٸر عانا كوۆيد تاقىرىبىندا 200 روليك جاساپ ەفيرگە بەردٸ. سول كەزدە قولعا الىنعان كٷنسايىنعى تٸكەلەي ەفيردەگٸ «تەلەدەرٸگەر» جوباسىنا بٸر حاباردىڭ ٸشٸندە ەكٸ مىڭعا دەيٸن سۇراق كەلٸپ تٷسٸپ وتىرعان كٷندەر بولدى. دەل كارانتين كٷندەرٸ جاڭالىقتار شىعارىلىمدارى بۇرىن-سوڭدى بولماعان قارالىمداردى كٶرسەتتٸ», - دەدٸ ول.
كورپوراتسييا تٶرايىمىنىڭ ايتۋىنشا, قازاقستانداعى جالپى تەلەۆيزييا كٶرۋ 22 پايىزعا ٶسكەن. مۇنىڭ ٸشٸندە كورپوراتسييا ارنالارىنىڭ دا ٷلەسٸ سالماقتى.
«بٸر سٶزبەن ايتساق, پاندەمييا كەزٸندە سەنٸمدٸ اقپارات كٶزٸن ٸزدەگەن اۋديتورييا تەلەارنالارعا ورالدى», - دەدٸ لەززات تانىسباي.
