قر دەنساۋلىق ساقتاۋ مينيسترٸ الەكسەي تسوي Astana Media Week فورۋمىندا پاندەمييا كەزٸندەگٸ حالىققا اقپارات تاراتۋ جۇمىسى تۋرالى پٸكٸر بٸلدٸردٸ, دەپ حابارلايدى قازاقپارات.
«COVID-19 كوروناۆيرۋس پاندەميياسى بٷكٸل ادامزات ٷشٸن جاھاندىق سىن-تەگەۋرٸن بولدى, مىقتى ەكونوميكالار مەن ەلەۋمەتتەرگە, جەكەلەگەن قوعامداستىقتارعا جەنە ەربٸر وتباسىنا سوققى بولدى. ۆيرۋستىڭ كەڭ تارالۋى مەن حالىق اراسىندا اۋرۋدىڭ ٶرشۋٸ سالدارىنان داعدارىستارعا ەڭ تٶزٸمدٸ دەنساۋلىق ساقتاۋ جٷيەسٸ دە قولدا بار رەسۋرستارعا بۇرىن-سوڭدى بولماعان جٷكتەمەگە تٶتەپ بەرە الماي, وسالدىعىن كٶرسەتتٸ. دٷنيەجٷزٸلٸك دەنساۋلىق ساقتاۋ ۇيىمى ٶتكەن جىلى ينفەكتسييامەن كٷرەسۋ ستراتەگيياسىندا پاندەمييانىڭ ٷش بەلگٸسٸن انىقتادى. بٸرٸنشٸسٸ – جىلدامدىق پەن ماسشتاب. اۋرۋ ەلەمنٸڭ تٷكپٸر-تٷكپٸرٸنە تەز تارالدى, تارالۋدىڭ بۇل سيپاتىنا بايلانىستى تٸپتٸ ەڭ تۇراقتى دەنساۋلىق ساقتاۋ جٷيەلەرٸ دە بۇزىلدى. ەكٸنشٸسٸ – اۋىرلىق دەرەجەسٸ, ورتاشا العاندا جاعدايلاردىڭ 20%-ى اۋىر نەمەسە كٷردەلٸ بولدى, جاسىنا قاراي جەنە قاتار جٷرەتٸن قانداي دا بٸر اۋرۋلار بولعان كەزدە كٷشەيەدٸ. ٷشٸنشٸسٸ – ەلەۋمەتتٸك-ەكونوميكالىق تۇراقسىزدىق, دەنساۋلىق ساقتاۋ جەنە ەلەۋمەتتٸك قورعاۋ جٷيەلەرٸ باستان ٶتكەرگەن كٷيزەلٸس جەنە كەڭ جەنە تەرەڭ ەلەۋمەتتٸك-ەكونوميكالىق سالدارعا ەكەپ سوققان ۆيرۋستىڭ تارالىمىن باقىلاۋ ٷشٸن قابىلدانعان شارالار», - دەدٸ تسوي Astana Media Week فورۋمىنىڭ «جاڭا, كوۆيدتان كەيٸنگٸ ەلەمدەگٸ قوعام جەنە باق» پانەلدٸك سەسسيياسىندا.
مينيستر پاندەمييا باستالعان كەزدە تۇرعىندار تولىققاندى اقپاراتتىڭ بولماۋىنان ٷلكەن قىسىمعا ۇشىراعانىن, ٶيتكەنٸ COVID-19 جاڭا بولعانىن جەنە ەلەمدە جاعدايدى ناقتى تٷسٸنۋ بولماعانىن اتاپ ٶتتٸ.
عىلىمنىڭ ۆيرۋستى زەرتتەۋدەگٸ ەربٸر قادامى جەكە تٷسٸنٸكتەمەلەرٸمەن بٸرگە جٷردٸ.
كەيبٸر دەرٸ-دەرمەك, پتر تەست, جەكە قورعانىس قۇرالدارى جەتٸسپەدٸ, بۇل دٷربەلەڭگە ەكەپ سوقتى.
مەملەكەت تەز جۇمىلىپ, ٷكٸمەتتە جەكە جۇمىس توبى جەنە ۆەدومستۆوارالىق كوميسسييا قۇرىلدى.
تسوي اتاپ ٶتكەندەي, قازاقستاندا قۇرىلعان زەرتحانالاردىڭ ەلەۋەتٸنٸڭ ارقاسىندا قازٸر تەۋلٸگٸنە 120 مىڭ پتر تەست جٷرگٸزۋگە بولادى.
17 جۇقپالى اۋرۋلار اۋرۋحاناسى سالىندى, بارلىق ٶڭٸرلەر 100% «جەدەل جەردەم» ماشينالارىمەن قامتاماسىز ەتٸلدٸ, دەرٸلٸك زاتتاردىڭ تۇراقتاندىرۋ قورلارى قۇرىلدى. جالپى جاعداي باقىلاۋعا الىندى.
تسوي پاندەمييا كەزٸندە قوعاممەن بايلانىس ورناتۋ ٶتە ماڭىزدى ەكەنٸن, سوندىقتان حالىققا وبەكتيۆتٸ اقپارات بەرۋ ارنالارى بٸرٸنشٸ ورىنعا شىققانىن اتاپ ٶتتٸ.
حالىقتى اقپاراتتاندىرۋدىڭ دۇرىس ستراتەگيياسىن تاڭداپ, اقپارات كٶزدەرٸن ەزٸرلەۋ ماڭىزدى بولدى.
بۇل - coronavirus-2020 سايتى, اقپارات جەنە قوعامدىق دامۋ مينيسترلٸكتەرٸنٸڭ, دەنساۋلىق ساقتاۋ مينيسترلٸكتەرٸنٸڭ پورتالدارى جەنە باسقا دا اككاۋنتتار بولدى.
«كوروناۆيرۋسقا قارسى ۆاكتسينانىڭ پايدا بولۋى دا ماڭىزدى وقيعا بولدى. قازٸرگٸ ۋاقىتتا قازاقستاندا 7,5 ملن ادام ۆاكتسينا الدى. ۆاكتسينانىڭ ماڭىزى تٷسٸندٸرٸلدٸ, ونىڭ قاسيەتتەرٸ تۋرالى ايتىلدى, ٶيتكەنٸ بۇل جاڭا ەزٸرلەمەلەر بولعاندىقتان باستاپقىدا حالىق ۆاكتسيناعا سىنمەن قارادى. ەندٸ ادامدار ۆاكتسينانىڭ ۆيرۋستان قورعايتىنىنا كٶز جەتكٸزٸپ, وڭ قاباق تانىتىپ وتىر. ال حالىقتى ۆاكتسينادان قورقۋعا يتەرمەلەيتٸن «انتيۆاكسەرلەردٸڭ» ەرەكەرتٸن دەسترۋكتيۆتٸ دەۋگە بولادى, ال ۆاكتسينالاۋ – كەز كەلگەن جۇقپالى اۋرۋلاردىڭ الدىن-الۋدىڭ جالعىز ەدٸسٸ. دەنساۋلىق ساقتاۋ مينيسترلٸگٸ پاندەمييا كەزەڭٸندە ينفەكتسييا تۋرالى جالعان اقپاراتتاردى انىقتاپ, حالىققا مۇنداي فاكتٸلەردٸڭ شىندىققا سەيكەس كەلمەيتٸنٸن تٷسٸندٸرۋدە», - دەدٸ الەكسەي تسوي.
