«اق جول» پارتيياسى تٶراعاسىنىڭ ورىنباسارى, مەجٸلٸس دەپۋتاتى بەرٸك دٷيسەمبينوۆ اۋىل ەكٸمدەرٸن سايلاۋ جٷيەسٸن بەكٸتۋ تۋرالى مەملەكەت باسشىسىنىڭ تاپسىرماسىنا قاتىستى پٸكٸر بٸلدٸردٸ, دەپ حابارلايدى "ۇلت اقپارات".
«بۇل مەسەلە بٷگٸن عانا كٶتەرٸلٸپ وتىرعان جوق. اۋىل ەكٸمدەرٸن سايلاۋ تۋرالى باستامانىڭ ٶزٸنە 7-8 جىل بولىپ قالدى. قازٸرگٸ اۋىل ەكٸمدەرٸن سايلاۋشىلار – مەسليحاتتار. پرەزيدەنتتٸڭ بەرٸپ وتىرعان تاپسىرماسى مەن قولدانىستاعى اۋىل ەكٸمدەرٸن سايلاۋ جٷيەسٸنٸڭ اراسى جەر مەن كٶكتەي دەسەك بولادى. مىسالى, قازٸر اۋىلدىڭ ەكٸمٸ بولىپ كٸم سايلانىپ جاتىر? مەسليحاتتىڭ ۇسىنعانى, اۋدان ەكٸمٸنٸڭ ايداۋىنا جٷرەتٸن, زەينەتاقىعا شىعىپ قالعان نەمەسە ٶمٸرلٸك تەجٸريبەسٸ از ازاماتتار بٷگٸن دە اۋىلداردى باسقارىپ وتىر. ال, ەندٸ بولاشاقتا پرەزيدەنتتٸڭ بەرٸپ وتىرعان تاپسىرماسى قانداي? ول سول اۋىلدا تۇراتىن, ٶز اۋىلىن كٶركەيتۋگە مٷددەلٸ, جانى اشيتىن ازاماتتار اۋىلدارعا سايلانۋى كەرەك», - دەدٸ بەرٸك دٷيسەمبينوۆ بٷگٸن وكق-دا ٶتكەن باسپاسٶز مەسليحاتىندا.
دەپۋتاتتىڭ ايتۋىنشا, پاندەمييا اۋىلعا كٸمنٸڭ جاناشىر ەكەنٸن كٶرسەتٸپ بەرگەن.
«اۋىلعا دەرٸ-دەرمەك پەن تاماق تاسىپ, اعايىننىڭ ٶمٸرٸن الىپ قالىپ جاتقان – سول اۋىلدىڭ ازاماتتارى. بٸراق ولاردىڭ كٶپشٸلٸگٸ ەكٸمدٸككە سايلاۋ كەزٸندە ٶتپەي قالعان ازاماتتار. ٶيتكەنٸ رەسمي تٷردە بٸراز شەكتەۋ بار. سەبەبٸ سول اۋىلعا جانى اشيتىن, ٶرەسٸ كەڭ ازاماتتار بەلگٸسٸز سەبەپتەرمەن ٶتپەي قالادى. سول ٷشٸن حالىق اۋىل ەكٸمدەرٸنە سەنٸمسٸزدٸكپەن قارايدى. سوندىقتان ناعىز ەلدٸڭ ازاماتىن سايلاۋ ٷشٸن - ەدٸل سايلاۋ بولۋى كەرەك», - دەدٸ ول.
بەرٸك دٷيسەمبينوۆ تەۋەلسٸز اۋىل ەكٸمٸنٸڭ اۋدان نەمەسە وبلىس ەكٸمدەرٸمەن كەلٸسپەۋشٸلٸگٸ بولۋى مٷمكٸن ەكەنٸن ايتادى.
«وسى مەسەلەنٸ شەشۋ كەرەك. ەل سايلاعان ەكٸمدٸ ەشقانداي ەكٸم جۇمىستان شىعارىپ تاستاي المايدى. ەدٸل سايلاۋمەن مىقتى ازاماتتاردى الار بولساق, ساپالى ۇلت بولۋعا قول جەتكٸزە باستايمىز. اۋىلدى تەك اتتاپ ٶتەتٸن باسپالداق رەتٸندە پايدالاناتىن ادامدار كەلمەۋٸ كەرەك. حالقىمىزدىڭ جارتىسى اۋىلدا تۇرادى. اۋىلداردىڭ ەرەكشەلٸگٸن ەسكەرە وتىرىپ, ازاماتتاردى ەدٸل سايلاۋىمىز كەرەك», - دەدٸ ول.
