ەلەمنٸڭ پاندەمييانى جەڭۋٸ ٷشٸن مەديتسينالىق مٷمكٸندٸكتەرٸن قوسقاندا, بارلىق قۇرالدارى بار. الايدا ولار تيٸستٸ دەڭگەيدە قولدانىلمايدى. بۇل تۋرالى جەكسەنبٸ كٷنٸ دٷنيەجٷزٸلٸك دەنساۋلىق ساقتاۋ ۇيىمىنىڭ (ددسۇ) باس ديرەكتورى تەدروس ادانوم گەبرەيەسۋس مەلٸم ەتتٸ, دەپ حابارلايدى قازاقپارات تاسس اگەنتتٸگٸنە سٸلتەمە جاساپ.
بەرليندە ٶتٸپ جاتقان دەنساۋلىق ساقتاۋ سامميتٸندە گەبرەيەسۋس ەلەم قاۋىمداستىعىن جىلدىڭ سوڭىنا دەيٸن بارلىق ەلدەردە ۆاكتسينانالاۋمەن قامتۋدى كەم دەگەندە 40%-دان اسىرۋعا شاقىردى. ول ٶزٸنە پاندەمييانىڭ قاشان اياقتالاتىنى تۋرالى سۇراقتىڭ جيٸ قويىلاتىنىن مەلٸمدەدٸ.
«مەنٸڭ جاۋابىم مىناداي: پاندەمييا ەلەم ونى توقتاتۋدى تولىق قالاپ ٸسكە كٸرٸسكەندە كەزدە عانا اياقتالادى. بەرٸ ٶز قولىمىزدا», - دەدٸ ددسۇ باسشىسى.
ول ەلەم قاۋىمداستىعىنىڭ پاندەمييانى جەڭۋٸ ٷشٸن بارلىق قاجەت قۇرالداردىڭ بار ەكەنٸن اتاپ ٶتتٸ. ولاردىڭ قاتارىندا قوعامدىق دەنساۋلىقتى ساقتاۋ جەنە مەديتسينالىق مٷمكٸندٸك بار.
«الايدا ەلەم ٶز مٷمكٸندٸگٸن تيٸستٸ دەڭگەيدە قولدانعان جوق. كٷندەلٸكتٸ 50 مىڭ ادام ۆيرۋستان قايتىس بولىپ جاتىر, پاندەمييا اياقتالعان جوق. مۇنىڭ ٶزٸ تەك بٸزگە بەلگٸلٸ ستاتيستيكا», - دەدٸ باس ديرەكتور.
ول ددسۇ-نىڭ بۇرىن جارييالاعان ماقساتىن اتاپ ٶتتٸ. ول – 2021 جىلدىڭ سوڭىنا دەيٸن ەر ەل حالقىن كەم دەگەندە 40% ۆاكتسينالاۋمەن قامتۋ. بۇل ۆاكتسينانى جەتكٸزۋدٸ باقىلايتىن ەلدەر مەن كومپانييالار ايتقاندارىن ورىنداعان جاعدايدا عانا جٷزەگە اسپاق, دەدٸ گەبرەيەسۋس.
ول حالقىنىڭ 40%-ى ۆاكتسينا سالدىرعان ەلدەردٸ COVAX حالىقارالىق مەحانيزمٸ مەن افريكانىڭ ۆاكتسينا ساتىپ الۋ جٶنٸندەگٸ ماقساتتى توبىنا (AVAT) پرەپاراتتار جەتكٸزٸپ وتىرۋعا شاقىردى. ولاردىڭ قاتارىندا G20 ەلدەرٸ بار.
