مارقۇم شەشەم “سەنٸڭ تٸلٸڭ ورىسشا شىققان” دەيتٸن. زامان سونداي بولدى عوي. ەكە-شەشەم سول كەزدەگٸ استانا – الماتىدا تۇردى. مەن بالاباقشادا بولدىم, ٷيگە ورىسشا شٷلدٸرلەپ كەلەم دەگەن سيياقتى. انام كەيٸن مەنٸ ورىس مەكتەبٸنە بەردٸ. قازٸرگٸ اباي وبلىسىنا قاراستى ٷرجاردا ورىس, نەمٸس, گرەك سيياقتى ورىستٸلدٸ ۇلتتىڭ ٶكٸلدەرٸ تىم كٶپ بولاتىن. مەن سولاردىڭ اراسىندا ٶستٸم. كٶپ دٷنيەنٸ ورىس تٸلٸندە وقىدىم, راس, قازٸر دە ەلەم ەدەبيەتٸن, عالام جاڭالىقتارىن, عىلىمي-تانىمدىق باسقا دا كٷردەلٸ مەتٸندەردٸ مەن ورىس تٸلٸندە وقيمىن. سەبەبٸ كٶپ دٷنيە قازاق تٸلٸنە اۋدارىلىپ ٷلگٸرمەي جاتىر. بىلايشا ايتقاندا, كەز كەلگەن ورىستٸلدٸ اداممەن ساعاتتاپ پٸكٸرلەسٸپ, پولەميكا جٷرگٸزۋگە قاۋقارىم بار.
بٸراق! مەن ورىس تٸلٸن بٸلگەنٸمدٸ ەشقاشان ەشكٸمگە مىناۋ “مەنٸڭ ارتىقشىلىعىم, كەرەمەت دامىپ كەتكەندٸگٸم” دەپ كٶرسەتپەيمٸن. بۇل مەن ٷشٸن بار بولعانى ادامزات بٸلٸمٸنەن سۋسىنداۋعا مٷمكٸندٸك بەرەتٸن قۇرال عانا. مەن ەلٸ بۇيىرتسا, اعىلشىن تٸلٸن دە مەڭگەرەرمٸن, عۇمىر بەرسە باسقا دا تٸلدەردە دە سٶيلەرمٸن. ونىڭ بەرٸ تەك مٷمكٸندٸك بولادى مەن ٷشٸن. ال مەنٸڭ بابا تٸلٸم - قازاق تٸلٸ سەكٸلدٸ كٶركەم, قۇنارلى, استارلى, دانىشپان تٸلدٸ مەن ٸزدەسەم تاپپاسپىن. مەن مۇنى پافوسپەن ايتىپ تۇرعام جوق. سالقىنقاندى, بٸر نەرسەنٸ بٸلەتٸن, ٶز سٶزٸنە سەنٸمدٸ ادام رەتٸندە ايتىپ تۇرمىن. ٶيتكەنٸ مەن ٷشٸن بۇل كەدٸمگٸ زاڭدى فاكت.
ال بٸزدٸڭ كەيبٸر اعايىن ورىس تٸلٸن دۇرىس مەڭگەرمەي جاتىپ, ونىڭ زاڭدىلىقتارىن تولىق بٸلمەي تۇرىپ, اۋىزى قيسايىپ, تٸلٸن بۇراپ ەرەڭ سٶيلەپ تۇرادى. قاتە سٶيلەيدٸ كٶبٸسٸ. ول ادامنىڭ قازاقى ورتادا ٶنٸپ, قازاق تٸلٸنٸڭ بارلىق شىرىنىنان سۋسىنداپ ٶسكەنٸ بٸلٸپ-سەزٸپ تۇراسىڭ. ال ول ورىسشا جەنە قاتە-قاتە سٶيلەي باستاعاندا ٶزٸڭ قاراداي قىسىلاسىڭ. نە سەن بۇل?! ون قازاق وتىرعان جەردە قانداي قاجەتتٸلٸك تۋىپ تۇر بۇلاي سايقىمازاقتانۋىنا وعان?! ۇقپايمىن وسىنى. ٶز اناسىن ەرتٸپ كەپ, بۇل سەنٸڭ اناڭ دەسە, جوق مەنٸڭ انام تەتيا ۆاليا دەپ تۇرعان سيياقتى تۋرا.
وڭتٷستٸكشە ايتقاندا وسىنداي “تەلپٸشتٸكتٸ” قويۋ كەرەك قوي. قاجەتتٸلٸك بولماسا, ٶزٸڭدٸ نەسٸنە قينايدى دەيسٸڭ?! دەمەك, ورىسشا سٶيلەسەم بٸلٸمدٸ, زامانعا ساي وزىق كٶرٸنەم دەيدٸ-اۋ. ساناڭدا, جٷيكە-جۇلىنىڭدا, ەربٸر جاسۋشاڭدا سۇلۋ دا عالامات قازاق تٸلٸ تٶگٸلٸپ, اعىلىپ جاتقاندا, باسقانىڭ قاڭسىعىنان قانداي لەززات الۋعا بولادى?! ٶزگەدەن بٸردەڭە تالاپ ەتۋ ٷشٸن ەۋەلٸ ٶزٸمٸزدەن باستايىقشى.
اقبەرەن ەلگەزەك, اقىن
