ٶزگە ەتنوس ٶكٸلدەرٸنٸڭ بالالارىن قازاق مەكتەپتەرٸنە بەرٸپ جاتقانى قۋانتادى. بۇل تۋرالى بٷگٸن قازاقستان حالقى اسسامبلەياسى كەڭەسٸنٸڭ وتىرىسىندا قر تۇڭعىش پرەزيدەنتٸ - ەلباسى, قحا تٶراعاسى نۇرسۇلتان نازارباەۆ ايتتى, دەپ حابارلايدى "ۇلت اقپارات".
«ٶزگە بارلىق ۇلتتار مەن ەتنوستاردىڭ ٶكٸلدەرٸنە بٸلٸم الۋ مٷمكٸندٸگٸ بەرٸلگەن جەنە ولار ونى قولدانىپ تا جٷر. بۇرىنىراقتا مەملەكەتتٸك تٸلدە سٶلەيتٸن قازاق ەمەس ادامدى تابۋ پروبلەما بولاتىن. قازٸر بۇل مٷلدەم سيرەك كەزدەسەتٸن جايت ەمەس. ەلٸمٸزدەگٸ بارلىق ەتنوستاردىڭ اراسىندا مەملەكەتتٸك تٸلدٸ جاقسى بٸلەتٸندەر سانىن ارتىپ كەلە جاتىر. مەملەكەتتٸك تٸل جالپى مويىندالعان ازاماتتىق ماركەرگە اينالدى جەنە كٶرشٸلەرٸمٸز دە سوعان بارا جاتىر. بۇل تەك مەملەكەتتٸ قۇراۋشى ۇلتتىڭ تٸلٸنە دەگەن قۇرمەت قانا ەمەس. ٶيتكەنٸ, تٸل بارلىعىن بٸرٸكتٸرەدٸ», - دەدٸ ەلباسى.
قر تۇڭعىش پرەزيدەنتٸ امەريكا جٷزدەگەن ۇلت پەن ەتنوستان تۇراتىنىن, الايدا ولاردىڭ اعىلشىن تٸلٸ امەريكالىق قىلىپ وتىرعاندىعىن باسا ايتتى.
«ەرينە, بٸزدە جاعداي ٶزگەشەلەۋ. بٸراق, سوعان بارۋىمىز كەرەك جەنە مەملەكەتتٸك تٸل بارلىق ازاماتتارعا باسقارۋدىڭ بٷكٸل ورگاندارىنا جۇمىس ٸستەۋگە, تٸپتٸ پرەزيدەنت بولىپ سايلانۋعا دا مٷمكٸندٸك بەرەدٸ. سوندىقتان ماقسات ٷلكەن. ادام كٶپ تٸل بٸلگەن سايىن مەدەنيەتتٸ بولا تٷسەدٸ. مەنٸڭشە, كٶپشٸلٸك مۇنى ورتاق ماقساتتار ٷشٸن جاساپ وتىرعانىمىزدى تٷسٸنەدٸ. سول سەبەپتٸ تٷرلٸ ەتنوستىڭ اتا-انالارى بالالارىن قازاق بالباقشالارىنا, مەكتەپتەرگە جەنە جوعارى وقۋ ورىندارىنا بەرە باستاعانى قۋانتادى. مۇنى قولداۋ قاجەت», - دەدٸ نۇرسۇلتان نازارباەۆ.
