ٶزبەكستاندا پرەزيدەنت سايلاۋى بيىل قازان ايىندا ٶتۋٸ مٷمكٸن. ازاتتىقتىڭ ٶزبەك قىزمەتٸنٸڭ حابارلاۋىنشا, سايلاۋ مەرزٸمٸن ٶزگەرتۋ تۋرالى ۇسىنىس 25 قاڭتار كٷنٸ پارلامەنتتٸڭ تٶمەنگٸ پالاتاسىنىڭ وتىرىسىندا تالقىلانعان.
قازٸرگٸ زاڭناماعا سەيكەس, پرەزيدەنت, زاڭ شىعارۋ ورگانى, قاراقالپاقستاننىڭ جوعارعى كەڭەسٸ جەنە وبلىس, قالا, اۋداندىق بيلٸك تارماقتارىنا سايلاۋ ولاردىڭ ٶكٸلەتٸ اياقتالاتىن جىلدىڭ اياعىندا – جەلتوقساننىڭ سوڭىندا ٶتۋٸ تيٸس.
ال قازٸر سايلاۋدى جەلتوقساننان قازان ايىنا اۋىستىرۋ ۇسىنىلىپ وتىر. ەگەر زاڭ جوباسى ماقۇلدانسا, پرەزيدەنت سايلاۋى بيىل 24 قازاندا ٶتەدٸ.
شاۆكات ميرزيياەۆ بىلتىر جەلتوقسان ايىندا 2021 جىلى پرەزيدەنت سايلاۋىن حالىقارالىق ستاندارتقا سەيكەس ٶتكٸزۋ كەرەك دەپ مەلٸمدەگەن. ەلدە سوڭعى پرەزيدەنت سايلاۋى 2016 جىلى 4 جەلتوقساندا ٶتكەن.
2016 جىلى كاريموۆ دٷنيە سالعان سوڭ بيلٸككە كەلگەن شاۆكات ميرزيياەۆ بٸرقاتار رەفورمالار جٷرگٸزۋگە ۋەدە ەتكەن. كاريموۆ تۇسىندا وقشاۋلانىپ قالعان ٶزبەكستان ورتالىق ازيياداعى كٶرشٸ ەلدەرمەن قاتىناستى جانداندىرۋعا تىرىسىپ, باتىسپەن دە بايلانىستى جاقسارتۋعا كٷش سالعان. ساراپشىلاردىڭ ايتۋىنشا, ٸشكٸ ساياسات, قارجى, سالىق, ەكونوميكا جەنە بٸلٸم سالاسىندا دا ٶزگەرٸستەر بايقالعان. الايدا ميرزيياەۆ تۇسىندا بۇرىنعى كادرلار ايتارلىقتاي جاڭارماعان. رەفورمالاردىڭ ٶزٸنە ەمٸرشٸلدٸك سيپات تەن بولعان.
