فوتو: قر مام
تاشكەنتتە قازاقستان پرەزيدەنتٸ قاسىم-جومارت توقاەۆتىڭ ٶزبەكستانعا مەملەكەتتٸك ساپارى اياسىندا اباي اتىنداعى قازاق ۇلتتىق وپەرا جەنە بالەت تەاترى ۇسىنعان «حان سۇلتان. التىن وردا» وپەراسىنىڭ پرەمەراسى ٶتتٸ. قويىلىم ورتالىق ازييا ايماعىنىڭ مەدەني ٶمٸرٸندەگٸ ەڭ جارقىن وقيعالاردىڭ بٸرٸ بولدى, دەپ حابارلايدى Ult.kz.
وپەرا ەلٸشەر ناۋاي اتىنداعى مەملەكەتتٸك اكادەمييالىق ٷلكەن تەاتر ساحناسىندا العاش رەت كٶرسەتٸلدٸ. پرەمەرانى قر مەدەنيەت جەنە اقپارات مينيسترٸ ايدا بالاەۆا تاماشالادى. سونداي-اق قۇرمەتتٸ قوناقتار رەتٸندە ورتالىق ازييا ەلدەرٸ مەدەنيەت مينيسترلٸكتەرٸنٸڭ باسشىلارى مەن ەزەربايجاننىڭ مەدەنيەت مينيسترٸ شاقىرىلدى.
وپەرا – بيلٸك, تاعدىر جەنە دەستٷرلٸ ٶمٸر سالتى مەن كەلەشەك ٶزگەرٸستەر اراسىنداعى تاڭداۋدى تەرەڭ اشىپ كٶرسەتەتٸن درامالىق تۋىندى. حاميت شاڭعاليەۆتٸڭ مۋزىكاسى رەجيسسەر داۆيدە ليۆەرمورەنٸڭ كٶركەمدٸك شەشٸمٸمەن ٷيلەسە وتىرىپ, كٶرەرمەندٸ التىن وردا دەۋٸرٸنە تولىقتاي بويلاتاتىن ەسەرلٸ اتموسفەرا جاسايدى. كٶرەرمەن التىن وردا تاريحىنداعى وقيعالار اياسىندا ٶربيتٸن ادامدىق تراگەدييالاردى كٶزبەن كٶرٸپ, سول كەزەڭنٸڭ رۋحىن تەرەڭ سەزٸنە الادى. التىن وردا – تٷركٸ حالىقتارىنىڭ تاريحىندا ەرەكشە ورىن الاتىن رۋحاني مۇرانىڭ قاينار كٶزٸ.
فوتو: قر مام
وپەرانى ساحنالاۋ جۇمىسى حالىقارالىق عىلىمي ىنتىماقتاستىقتىڭ ٷلگٸسٸنە اينالدى. جوباعا قازاقستان, رەسەي جەنە تٷركييانىڭ عالىمدارى اتسالىستى. التىن وردانى زەرتتەۋ ورتالىعىنىڭ جەتەكشٸسٸ يلنۋر ميرگاليەۆ, ىستامبۇلداعى مارمارا ۋنيۆەرسيتەتٸنٸڭ پروفەسسورى يلياس كەمالوعلۋ جەنە تاريح عىلىمدارىنىڭ كانديداتى نۇرلان اتىعاەۆ. مارالتاي ىبىراەۆ جازعان وپەرا ليبرەتتوسى دراماتۋرگ الماس نٷسٸپتٸڭ پەساسى نەگٸزٸندە ەزٸرلەنگەن.
قويىلىم رەجيسسەرٸ داۆيدە ليۆەرمورە – ەلەمدٸك وپەرا ٶنەرٸنٸڭ مويىندالعان شەبەرٸ, تالاي اڭىزعا اينالعان ەنشٸلەرمەن جەنە ەلەمنٸڭ جەتەكشٸ تەاترلارىمەن جۇمىس ٸستەگەن تۇلعا. ونىڭ قويىلىمدارى لا سكالا, ريم وپەراسى, تۋريندەگٸ تەاترو رەدجيو جەنە گەنۋياداعى كارلو فەليچە تەاترلارىندا ساحنالانعان. مەتردٸڭ جوباعا قاتىسۋى وپەرانى حالىقارالىق دەڭگەيگە كٶتەردٸ.
مۋزىكالىق جەتەكشٸ ەرٸ قويۋشى ديريجەرٸ – قازاقستاننىڭ ەڭبەك سٸڭٸرگەن قايراتكەرٸ, اباي اتىنداعى تەاتردىڭ باس ديريجەرٸ نۇرجان بايبوسىنوۆ.
تاشكەنتتەگٸ پرەمەرا قازاق جەنە ٶزبەك مەدەنيەتٸ مەن تاريحىنىڭ تەرەڭ ٷندەستٸگٸن پاش ەتكەن شىعارماشىلىق ديالوگقا اينالدى. بۇل سينتەز ەكٸ حالىقتىڭ مىزعىماس ورتاق تاريحي جادىن, رۋحاني جاقىندىعىن ايشىقتاعان ٶزٸندٸك «ٶنەر كٶپٸرٸن» قالىپتاستىردى. بۇعان دەيٸن وپەرا الماتى, ىستامبۇل جەنە قازان قالالارىندا ساحنالانىپ, كٶرەرمەننٸڭ زور قىزىعۋشىلىعى مەن ىستىق ىقىلاسىنا يە بولعان ەدٸ.
