ٶزبەكستاننىڭ قۇقىق قورعاۋ ورگاندارى قىركٷيەكتە راديكالدى دٸني توپتارعا قارسى رەيد جٷرگٸزدٸ.
دەرەككٶز مەلٸمەتٸنشە, بۇل شارا اۋعانستان بيلٸگٸنە تەلٸپتەر كەلگەننەن سوڭ باستالعان. ەسٸرەسە سۇرحاندارييا وبلىسىنىڭ اۋعانستانمەن شەكارالاس اۋداندارىنا باقىلاۋ كٷشەيگەن.
ٶزبەكستان ٸٸم مەلٸمەتٸنشە, سوڭعى ايدا "حيزب ۋت-تاحرير" ۇيىمىنىڭ مٷشەسٸ دەگەن كٷدٸكپەن 200-گە جۋىق ادام ۇستالعان.
ولاردىڭ جٷزگە جاقىنى ەرتٷرلٸ مەرزٸمگە قىلمىستىق جازاعا تارتىلسا, قالعانىنا ەكٸمشٸلٸك جازا بەرگەن.
"قازٸر تٷرلٸ راديكالدى توپتار كٷشەيٸپ جاتقانى تۋرالى اقپارات كەلەدٸ. ولاردىڭ بەرٸ ونسىزدا باقىلاۋدا. "قاۋٸپسٸز ايماق" بويىنشا ناقتى مەكەن-جايلارعا رەيد جٷرگٸزگەندە, دەلەلدٸ ايعاق تاپقانداردى ۇستادىق", - دەدٸ اتى-جٶنٸن اتاعىسى كەلمەگەن ٸٸم تەرگەۋشٸسٸ.
ونىڭ سٶزٸنشە, سوڭعى جىلدارى مۇنداي رەيد جٷرگٸزٸلمەگەن.
