Ózbekstannyń quqyq qorǵaý organdary qyrkúiekte radikaldy dini toptarǵa qarsy reid júrgizdi.
Derekkóz málimetinshe, bul shara Aýǵanstan biligine tálipter kelgennen soń bastalǵan. Ásirese Surhandariia oblysynyń Aýǵanstanmen shekaralas aýdandaryna baqylaý kúsheigen.
Ózbekstan IIM málimetinshe, sońǵy aida "Hizb ýt-Tahrir" uiymynyń múshesi degen kúdikpen 200-ge jýyq adam ustalǵan.
Olardyń júzge jaqyny ártúrli merzimge qylmystyq jazaǵa tartylsa, qalǵanyna ákimshilik jaza bergen.
"Qazir túrli radikaldy toptar kúsheiip jatqany týraly aqparat keledi. Olardyń bári onsyzda baqylaýda. "Qaýipsiz aimaq" boiynsha naqty meken-jailarǵa reid júrgizgende, dáleldi aiǵaq tapqandardy ustadyq", - dedi aty-jónin ataǵysy kelmegen IIM tergeýshisi.
Onyń sózinshe, sońǵy jyldary mundai reid júrgizilmegen.
