فوتو اشىق دەرەككٶزدەن الىندى
ٶزبەكستان پرەزيدەنتٸ شاۆكات ميرزييوەۆ مەملەكەتتٸڭ زايىرلىلىعىن ايقىندايتىن قىلمىستىق كودەكس پەن ەكٸمشٸلٸك جاۋاپكەرشٸلٸك تۋرالى كودەكسكە ەنگٸزٸلگەن تٷزەتۋلەردٸ بەكٸتەتٸن زاڭعا قول قويدى, دەپ حابارلايدى Kazinform اگەنتتٸگٸ.
ەدٸلەت مينيسترلٸگٸنٸڭ مەلٸمەتٸنە ساي, زاڭناماعا ەنگٸزٸلگەن تٷزەتۋلەر كٶپ ەيەل الۋدى ناسيحاتتاۋ, احاج-دا رەسمي نەكە قيماي «نيكوح» رەسٸمٸن جاساۋ, گەندەرلٸك كەمسٸتۋ, سونداي-اق قوعامدىق ورىندا جەكە باسىن انىقتاۋعا مٷمكٸندٸك بولمايتىنداي دەرەجەدە جابىق كيٸم كيگەندەرگە قولدانىلاتىن جاۋاپكەرشٸلٸكتەردٸ قامتيدى.
«ەكٸ جەنە ودان دا كٶپ ەيەلمەن بٸرگە تۇرۋدى ناسيحاتتاۋ, وسى تۇرعىدا يدەيا نەمەسە ٷندەۋ تاراتۋ, سونداي-اق مۇنداي ەرەكەتتەردٸ قولداۋ 15-تەن 30 بازالىق ەسەپتٸك شاماعا (بەش) دەيٸن نەمەسە 4,950 ميلليوننان 9,9 ملن سوماعا دەيٸن مٶلشەردە ايىپپۇل سالۋ نەمەسە 15 تەۋلٸككە دەيٸن ەكٸمشٸلٸك قاماۋعا الۋمەن جازالانادى», - دەلٸنگەن ٶزبەكستان ەدٸلەت مينيسترلٸگٸنٸڭ مەلٸمەتٸندە.
نەكەسٸ زاڭدى تٸركەلمەگەن ادامدار اراسىندا, ونىڭ ٸشٸندە نەكە جاسىنا تولماعاندارمەن وتباسىن قۇرۋ بويىنشا دٸني رەسٸم جاساعاندارعا 15-تەن 30 بازالىق ەسەپتٸك شاماعا دەيٸن ايىپپۇل سالىنادى.
گەندەرلٸك كەمسٸتۋدٸ ناسيحاتتاۋ, ەيەلدەر مەن ەرلەردٸڭ تەڭ قۇقىعىن اشىق تٷردە جوققا شىعارۋ, وسى باعىتتاعى يدەيالار مەن ٷندەۋلەردٸ تاراتۋ 10-نان 20 بەش-كە دەيٸن نەمەسە 3,3-6,6 ميلليون سۋم ايىپپۇلمەن جازالانادى.
بۇدان باسقا, جەكە باسىن انىقتاۋعا مٷمكٸندٸك بەرمەيتٸندەي بٷركەنٸپ كيٸنگەن ادامداردىڭ قوعامدىق ورىنداردا بولعانى ٷشٸن جازا ەنگٸزٸلٸپ وتىر. وسىنداي ەرەكەت ٷشٸن 3,3 - 4,95 ملن سۋم ارالىعىندا ايىپپۇل تاعايىندالادى.
ۆەدومستۆودان اتاپ ٶتكەندەي, تيٸستٸ ٶزگەرٸستەر زاڭ رەسمي جارييالانعان كٷنٸنەن باستاپ كٷشٸنە ەنەدٸ.
