ٶزبەكستان دەنساۋلىق ساقتاۋ مينيسترلٸگٸ ەل استاناسى – تاشكەنتتەگٸ ۆاكتسينالاۋ پۋنكتتەرٸندە 65 جاستان اسقاندارعا جەنە كوروناۆيرۋس جۇقتىرۋ قاۋپٸ جوعارى ورىنداردا جۇمىس ٸستەيتٸن مەديتسينا قىزمەتكەرلەرٸنە ۆاكتسينا سالۋ ناۋقانى باستالعانىن حابارلادى, دەپ جازادى ازاتتىق.
ۆيرۋس جۇقتىرۋ قاۋپٸ جوعارى توپقا كوروناۆيرۋسپەن اۋىرعانداردى ەمدەيتٸن ورىن, جەدەل جەردەم, ينفەكتسييالىق اۋرۋحانا, كورونااۆيرۋس دياگنوزىن زەرتتەيتٸن زەرتحانا, العاشقى مەديتسينالىق-سانيتارلىق قىزمەت كٶرسەتۋ ورنى سيياقتى مەكەمەلەردٸڭ قىزمەتكەرلەرٸ جاتادى.
بۇعان قوسا سوزىلمالى دەرتٸ بار ازاماتتارعا, مەكتەپ جەنە مەكتەپكە دەيٸنگٸ مەكەمە ٶكٸلدەرٸنە, قارۋلى كٷشتەر مەن قۇقىق قورعاۋ ورگاندارى قىزمەتكەرلەرٸنە بٸرٸنشٸ كەزەكتە ەكپە سالىنباق.
ازاماتتارعا AstraZeneca اعىلشىن-شۆەد كومپانيياسى مەن وكسفورد ۋنيۆەرسيتەتٸ بٸرٸگٸپ جاساعان AstraZeneca (2 دوزالى) جەنە ٶزبەكستان مەن قىتاي بٸرلەسٸپ شىعارعان ZF-UZ-VAC2001 (3 دوزالى) ۆاكتسينالارىنىڭ بٸرٸن تاڭداۋعا مٷمكٸندٸك بەرٸلەدٸ. ٶزبەكستان دەنساۋلىق ساقتاۋ مينيسترلٸگٸنٸڭ حابارلاۋىنشا, ازامات ۆاكتسينانىڭ تەك بٸر تٷرٸن عانا سوڭىنا دەيٸن ەككٸزۋٸ كەرەك. ۆاكتسينا سالۋ ەرٸكتٸ تٷردە جٷرگٸزٸلەدٸ.
ٶزبەكستان ٷكٸمەتٸنٸڭ جوسپارى بويىنشا, سەۋٸردە تاشكەنت پەن قاراقالپاقستان استاناسى – نٷكٸستەگٸ جەنە وبلىس ورتالىقتارىنداعى 219 ۆاكتسينالاۋ ورتالىعىندا 142,3 مىڭ ادامعا كوروناۆيرۋس ەكپەسٸ سالىنباق.
ەل اۋماعىندا 3138 ۆاكتسينا ەگۋ پۋنكتٸ اشىلعان, 862 موبيلدٸ بريگادا جۇمىس ٸستەيدٸ.
