ٶزبەكستان سىرتقى كٶشٸ-قون جٶنٸندەگٸ اگەنتتٸگٸ ٶزبەك ەڭبەك ميگرانتتارىنا رەسەيدە جۇمىس تاڭداعان ۋاقىتتا ساق بولۋعا كەڭەس بەردٸ, دەپ حابارلايدى ازاتتىق.
"بٸرقاتار جاڭالىق ارنالارى ٶزبەكستان مەن قىرعىزستان ازاماتتارىن جالاقىسى جوعارى جۇمىسقا رەسەيگە شاقىرعان. مۇنداي جارنامالاردىڭ باستى ماقساتى - ازاماتتاردى رەسەي مەن ۋكراينا اراسىنداعى جانجال اۋماعىنا تارتۋ. سول سەبەپتٸ وتانداستارىمىزدان شەتەلگە جۇمىسقا شاقىراتىن رەسمي ەمەس جارنامالارعا سەنبەۋٸن سۇرايمىز" دەلٸنگەن اگەنتتٸك حابارلاماسىندا.
بۇعان قوسا, اگەنتتٸك شەتەل اۋماعىندا قارۋلى جانجالدارعا نەمەسە ەسكەري ەرەكەتتەرگە ماتەريالدىق تابىس ٷشٸن جالدانعاندار قىلمىستىق جاۋاپقا تارتىلاتىنىن ەسكەرتتٸ.
بۇنىڭ الدىندا MediaHub جۋرناليستٸك زەرتتەۋ ورتالىعى ٶزبەك جەنە قىرعىز ازاماتتارىن رەسەيدٸڭ "ۆاگنەر" جەكەمەنشٸك ەسكەري كومپانيياسىنا تارتىپ جاتقانى تۋرالى ماتەريال جارييالادى. زەرتتەۋ اۆتورلارىنىڭ مەلٸمەتٸنشە, ٶزبەكستان مەن قىرعىزستان ازاماتتارىنا ۋكرايناداعى سوعىسقا قاتىسقانى ٷشٸن 240 مىڭ رۋبل ايلىق ۇسىنعان.
"ۆاگنەر" جەكەمەنشٸك ەسكەري كومپانيياسىنىڭ جالدامالى جاۋىنگەرلەرٸ 2014 جىلى دونباسستا قارۋلى جٸكشٸلدەر جاعىندا ەسكەري قيمىلدارعا قاتىسقان. ەسكەري كومپانييانىڭ رەسەي پرەزيدەنتٸ ۆلاديمير پۋتيننٸڭ "اسپازى", رەسەيلٸك كەسٸپكەر ەۆگەنيي پريگوجينگە تٸكەلەي قاتىسى بار دەلٸنەدٸ.
كەيٸنگٸ جىلدارى "ۆاگنەر" جالدامالى جاۋىنگەرلەرٸ سيرييا, ليۆييا, ورتالىق افريكا رەسپۋبليكاسى, موزامبيك جەنە سۋدانداعى ەسكەري قيمىلدارعا قاتىسقان. 2021 جىلعى جەلتوقساندا ەۋرووداق "ۆاگنەرگە" قارسى سانكتسييا جارييالادى.
